“ბაიერნი” მანეს ტრანსფერზე მუშაობას იწყებს

გერმანული “სქაის” ინფორმაციით, “ლივერპულის” თავდამსხმელმა სადიო მანემ კარიერა შესაძლოა მიუნხენის “ბაიერნში” გააგრძელოს.

წყაროს თანახმად, ზაფხულის სატრანსფერო პერიოდში ბავარიული გუნდის ერთ-ერთი მთავარი მიზანი სწორედ სენეგალელი ფეხბურთელი იქნება. კლუბებს მოლაპარაკება ჯერ არ დაუწყიათ, თუმცა გასულ უქმეებზე “ბაიერნის” სპორტული დირექტორი ჰასან სამიჰამიჯიჩი შესაძლო ტრანსფერის განსახილველად მანეს აგენტს შეხვდა.

შეგახსენებთ, რომ სადიო მანე “ლივერპულში” 2016 წელს “საუთჰემპტონიდან” გადავიდა. 30 წლის ფეხბურთელმა ინგლისის პრემიერლიგის მიმდინარე გათამაშებაში 32 მატჩი ჩაატარა, 14 გოლი გაიტანა და ორი შედეგიანი გადაცემა მიითვალა.