“ბაიერნის” ფანები მამარდაშვილის დამატებას ითხოვენ

ბოლო პერიოდში გიორგი მამარდაშვილის მიმართ განსაკუთრებული აქტიურობაა გრანდების მხრიდან და ფანები მისით დაინტერესებას მიუნხენის “ბაიერნს” სთხოვენ.

“ბაიერნი ბოლო წლებში სატრანსფერო ბაზარზე ნაკლებად აქტიური იყო. ნიუბელი 25 წლის არის და შესაძლოა, სწორედ ის იყოს ნოიერის შემცვლელი, მაგრამ დროა, გეგმა ბ შევიმუშავოთ და გიორგი მამარდაშვილის შეძენაზე ვიფიქროთ.”

“იყიდე, გაანათხოვრე “ვალენსიაში” და გყავდეს მე-2 მეკარედ ნოიერის წასვლამდე. შემდეგ ორი იმედისმომცემი გოლკიპერი გეყოლება. თუ ნიუბელი უკეთესი გამოდგა, გიორგის ყოველთვის კარგ ფასად გაყიდი”

“ალბათ არ გახსოვთ, რომ “ბაიერნი” მხოლოდ გერმანელ მეკარეებს ეძებს, რომლებიც შემდგომში ნაკრების პირველი ნომრები ხდებიან და არა ვიღაც უსახელოს საქართველოდან”

“ვინმეს სერიოზულად მიაჩნია ულრაიხი ნოიერის შემცვლელად?”

“კვარაცხელიას იგივე დაემართა. ჩვენი ხელმძღვანელობა უბრალოდ უტვინოა. მისით იყვნენ დაინტერესებულნი და მერე მალევე დაავიწყდათ” – წერენ “რეკორდმაისტერის” გულშემატკივრები

ნოიერი 36 წლისაა და გუნდთან კონტრაქტი 2024 წლამდე აქვს გაფორმებული. ულრაიხი 33 წლის, ნიუბელი კი “მონაკოშია” განათხოვრებული.