“ბაიერნის” თავკაცის პოსტზე მთავარ პრეტენდენტად ვენგერის კანდიდატურა განიხილება

ბრიტანული “გარდიანის” ცნობით, მიუნხენის “ბაიერნის” მთავარი მწვრთნელის პოსტზე დანიშვნის მთავარ პრეტენდენტად არსენ ვენგერი მიიჩნევა. წყაროს თანახმად, მხარეებს შორის მოლაპარაკება მიმდინარე კვირაში უნდა დაიწყოს.

ბავარიელები ფრანგ სპეციალისტს გუნდში მუშაობას მიმდინარე სეზონის ბოლომდე შესთავაზებენ, ზაფხულში კი ამსტერდამის “აიაქსის” თავკაც ერიკ ტენ ჰაგთან ან “პარი სენ-ჟერმერნის” დამრიგებელ თომას ტუხელთან შეეცდებიან მოლაპარაკების წარმოებას.

შეგახსენებთ, რომ “ბაიერნის” ხელმძღვანელობამ 3 ნოემბერს ნიკო კოვაჩი გუნდის მთავარი მწვრთნელის პოსტიდან გაათავისუფლა.

როგორც მოგეხსენებათ, არსენ ვენგერი ლონდონის “არსენალს” 1996-დან 2018 წლამდე თავკაცობდა, რა დროის განმავლობაშიც ინგლისის პრემიერლიგა სამჯერ მოიგო.