“ბაიერნმა” ბოატენგის გაყიდვა გადაწყვიტა, მსურველი არ ჩანს

მიუნხენის “ბაიერნის” ხელმძღვანელებმა ჟერომ ბოატენგის გაყიდვის გადაწყვეტილება მიიღეს. ამ ინფორმაციას გერმანული ტაბლოიდი Bild ადასტურებს.

რამდენადაც ჩვენთვის ცნობილი ხდება, “ბავარიელებს” 31 წლის ფეხბურთელის ტრანსფერის თაობაზე წინადადებები ჯერ არ მიუღია. თავად ფეხბურთელს კი კლუბში დარჩენა მინიმუმ კონტრაქტის ამოწურვამდე სურს (2021 წელი).

ბოატენგი “რეკორდმაისტერის” ღირსებას 2011 წლიდან იცავს და ამ პერიოდში ის რვაჯერ გახდა გერმანიის ჩემპიონი, ისევე როგორც ჩემპიონთა ლიგის გამარჯვებული.

პრესის ცნობით, ფეხბურთელის გადაბირებაზე “ჩელსი” და “არსენალი” ფიქრობენ, თუმცა ოფიციალური წინადადებით კლუბისთვის ჯერ არ მიუმართავთ.