“ბაიერნმა” “ჩელსის” რიუდიგერის თაობაზე მიმართა

გერმანული გამოცემა “ბილდი” იუწყება, რომ მიუნხენის “ბაიერნი” ლონდონის “ჩელსის” მცველ ანტონიო რიუდიგერით დაინტერესდა და ინგლისურ კლუბს ოფიციალური წინადადებითაც მიმართა, თუმცა “ლურჯების” პოზიცია ჯერჯერობით უცნობია.

შეგახსენებთ, რომ 28 წლის გერმანელი ფეხბურთელი “ჩელსიში” ხელფასის მომატებას ითხოვს, რაც არის კიდეც მხარეებს შორის კონტრაქტის გახანგრძლივების დამაბრკოლებელი ფაქტორი. რუდიგერს კვირაში 120 ათასი ფუნტი სტერლინგი ეძლევა, ფეხბურთელი 200 ათასს ითხოვს.

“ჩელსისა” და ანტონიო რიუდიგერს შორის გაფორმებულ შრომით ხელშეკრულებას ვადა მომავალი წლის ზაფხულში ეწურება. იანვარში ფეხბურთელს სხვა კლუბებთან დამოუკიდებლად მოლაპარაკების უფლება მიეცემა.