“ბაიერნმა” გასვლაზე “ლევერკუზენი” დაამარცხა და ჩემპიონობას მიუახლოვდა (ვიდეო)

6 ივნისს გერმანული ბუნდესლიგის 30-ე ტურის შეხვედრა შედგა “ბაიერ ლევერკუზენსა” და მიუნხენის “ბაიერნს” შორის. ამ ურთულეს მატჩს მასპინძლები თავიანთი ლიდერის, კაი ჰავერცის, გარეშე შეხვდნენ.

შეხვედრა მასპინძელთა აქტიურობით დაიწყო, რამაც შედეგი ათი წუთის შესრულებისთანავე გამოიღო – ალარიომ მანუელ ნოიერის კარი ზუსტი დარტყმით აიღო. “ბავარიელებმა” მეტოქეს პასუხი პირველივე ტაიმში გასცეს – კომანის (27′), გორეცკასა (42′) და გნაბრის (45′) გოლების წყალობით ფლიკის გუნდმა მატჩში ინტრიგა მოკლა.

მეორე ტაიმში რობერტ ლევანდოვსკიმაც შეძლო თავის გამოჩენა და ბუნდესლიგის მიმდინარე სეზონში 30-ე გოლი გაიტანა. აღსანიშნავია, რომ პოლონელ ვარსკვლავს საგოლე გადაცემა ტომას მიულერმა გაუკეთა. ეს მიულერისთვის რეკორდული მე-20 საგოლე გადაცემაა მიმდინარე სეზონში.

შეხევდრის მიწურულს ვირცმა ერთი ბურთის გაქვითვა შეძლო, თუმცა ამაოდ. “ბაიერი” დამარცხდა, “ბაიერნმა” კი საჩემპიონო ტიტული 99%-ით გაიფორმა.