“ბაიერნმა” ზაფხულის ტრანსფერებისთვის 255 მილიონი გამოყო

მიუნხენის “ბაიერნის” ხელმძღვანელები თვლიან, რომ გუნდი საკმარისად ძლიერი აღარ არის და მზად არიან “რეკორდმაისტერის” დასაბრუნებლად ზაფხულის სატრანსფერო ფანჯარაზე მილიონები არ დაიშურონ.

უფრო კონკრეტულად, გერმანული ტაბლოიდი Bild ირწმუნება, რომ გერმანიის ჩემპიონმა ტრანსფერებისთვის 255 მილიონი ევრო გამოყო და სამიზნეთა სია უკვე შექმნილიც აქვს.

კანდიდატთა შორის იმყოფება “ატლეტიკოს” მცველი ლუკა ერნანდესი, “ჩელსის” ჰავბეკი კალუმჰადსონ-ოდოი, “ბაიერის” ნახევარმცველი კაი ჰავერტცი და “ლაიფციგის” თავდამსხმელი ტიმო ვერნერი.

გარდა ამისა, “ბაიერნი” ზაფხულში ერთი მცველის – ჟერომ ბოატენგის, ან მატს ჰუმელსის გაშვებას გეგმავს და ამავდროულად “ესპანიოლის” მცველ მარიო ერმოსოსაც ადევნებს თვალს.