ბაინსმა მოურინიოს ორი ქულა ხელიდან გამოგლიჯა (ვიდეო)

ჟოზე მოურინიოს “მანჩესტერ იუნაიტედმა” გამარჯვების მოპოვება პრემიერ ლიგის მე-14 ტურშიც ვერ მოახერხა, სადაც მანჩესტერელებს მერსესაიდული “ევერტონის” წინააღმდეგ უწევდათ გალაშქრება.

ანგარიში მატჩის 42-ე წუთზე გაიხსნა ზლატან იბრაჰიმოვიჩის ბრწყინვალე დარტყმისა და მარტინ სტეკელენბურგის სულელური შეცდომის თანამშრომლობის საფუძველზე, რასაც მასპინძლებმა მატჩის 89-ე წუთზე, ბაინსის პენალტით უპასუხეს.

შედეგად, გუნდებმა თითო-თითო ქულა ჩაიწერეს აქტივში. შედეგად, ჟოზეს გუნდი 21 ქულით მე-6 პოზიციას იკავებს 14 ტურის შემდეგ, რონალდის – მერვეს, ოცი ქულით.

“ევერტონი”: სტეკელენბურგი; ბაინსი, მორი, უილიამსი, კოულმენი (ჰოლგეიტი 67′); კლევერლი (დეულოფეუ 65′) , ბარი, გაიე, ბოლასი; ლუკაკუ, მირალეში

მთავარი მწვრთნელი: რონალდ კუმანი

“მანჩესტერ იუნაიტედი”: დე ხეა; ვალენსია, ჯონსი, როხო, დარმიანი; ანდერ ერერა, მაიკლ კერიკი, პოლ პოგბა; ჰენრიკ მხითარიანი (მარუან ფელაინი 86′), იბრაჰიმოვიჩი, მარსიალი (რეშფორდი 83′)

მთავარი მწვრთნელი: ჟოზე მოურინიო

გოლები: ბაინსი (პ) 89′ – იბრაჰიმოვიჩი 42′