ბალოტელი: “აქცენტს მხოლოდ ფეხბურთზე გავაკეთებ, ღამის კლუბებზე ფიქრიც არ მინდა”
“ნიცამ” გუნდის ახალწვეული მარიო ბალოტელი ოფიციალურად წარადგინა. იტალიელმა ფეხბურთელმა დღეს გამართულ პრესკონფერენციაზე პირობა დადო, რომ აქცენტს მხოლოდ ფეხბურთზე გააკეთებს.
“ნიცას” კარგი პროქეტი აქვს. იმედი მაქვს, წელს ყველაფერი კარგად ჩაივლის. აქ მშვენიერმა ფეხბურთელებმა მოიყარეს თავი, თავს კომფორტულად ვგრძნობ.
რაც შეეხება იტალიის ნაკრებს, ეროვნულ გუნდში თამაში მინდა, მაგრამ ბოლო პერიოდში არ მიძახებენ. ახლა მხოლოდ “ნიცაში” თამაშზე ვარ ფოკუსირებული. მომწონს, რომ გუნდის მწვრთნელი ფავრი აქცენს ბურთის კონტროლზე აკეთებს.
საფრანგეთის ჩემპიონატი კარგი ლიგაა როგორც ფიზიკური, ასევე ტაქტიკური თვალსაზრისით. ყურადღებას მხოლოდ ფეხბურთზე გადავიტან. ღამის კლუბებზე ფიქრიც არ მინდა. ფსიქოლოგიურად თავს კარგად ვგრძნობ”, – ბალოტელის სიტყვებს “ნიცას” პრესსამსახური აქვეყნებს.
შეგახსენებთ, რომ მარიო ბალოტელი “ნიცას” თავისუფალი აგენტის სტატუსით შეუერთდა.
