ბალოტელი: “უფრო მეტი გამაკრიტიკეთ”

“ნიცას” თავდამსხმელი მარიო ბალოტელი ამბობს, რომ ფრანგულ გუნდში თავს ბედნიერად გრძნობს. ეს მის შედეგებზეც აისახება: იტალიელმა ფეხბურთელმა საფრანგეთის ჩემპიონატის მიმდინარე გათამაშებაში ჩატარებულ ოთხ მატჩში ოთხი გოლი გაიტანა, სულ კი “ნიცას” ფორმით ნათამაშებ 27 შეხვედრაში 19 ბურთი აქვს მითვლილი.

“ნიცაში” დავრჩი, ვინაიდან აქ თავს კარგად ვგრძნობ. კარგი თანაგუნდელები და მწვრთნელები მყავს, ფანებიც მომწონს. როდესაც აქ გადმოვედი, არ მეგონა, რომ ასეთი კმაყოფილი ვიქნებოდი.

ვცდილობ, რომ ქებას დიდი ყურადღება არ მივაქციო. პირიქით, საკუთარ თავს ვაკრიტიკებ. შეცდომებზე უფრო მეტი უნდა ვისაუბრო და არა იმაზე, რომ ყველაფერს კარგად ვაკეთებ, რადგან ადამიანი შეცდომებზე სწავლობს”, – ციტირებს ბალოტელის სიტყვებს “ნიცას” ოფიციალური ვებგვერდი.