ბალოტელიმ ტრავმა მიიღო
“მილანისა” და იტალიის ეროვნული ნაკრების თავდამსხმელმა მარიო ბალოტელიმ მარჯვენა ბარძაყის კუნთი დაიზიანა.
უახლოეს დღეებში იტალიის ეროვნული ნაკრების ახალგაზრდა ფეხბურთელი სამედიცინო შემოწმებას გაივლის, რათა ზუსტად დადგინდეს თუ, როდის დაუბრუნდება ის აღდგენით ვარჯიშებს.
გავრცელებული ინფორმაციის თანახმად 23 წლის იტალიელი ფეხბურთელი “სერია ა”-ს მატჩს “უდინეზეს” (19 ოქტომბერი) წინააღმდეგ გამოტოვებს. ასევე საეჭვოა “უეფას ჩემპიონთა ლიგის” მესამე ტურის მატჩში, სადაც “მილანი” “ბარსელონას” (22 ოქტომბერი) დაუპირისპირდება, მისი მონაწილეობა.
შეგახსენებთ, რომ მარიო ბალოტელიმ იტალიის “სერია ა”-ში 4 მატჩი ჩაატარა და 3 გოლის გატანა შეძლო, ხოლო რაც შეეხება “უეფას ჩემპიონთა ლიგას” მან 2 მატჩში 1 გოლის გატანა მოახერხა.