“ბარსელონა” დეულოფეუს ევრო 2017-ის შემდეგ დაიბრუნებს

თარიღი: მაისი 23, 2017

უცხოურ პრესაში გავრცელებული უახლესი ინფორმაციის თანახმად, მერსესაიდული “ევერტონის” გარემარბი, ჟერარ დეულოფეუ მომავალი სეზონიდან “ბარსელონას” ღირსებას დაიცავს.

როგორც ცნობილი ხდება, კატალონიურმა გრანდმა ინგლისელებთან ტრანსფერი უკვე შეათანხმა და 23 წლის თავდამსხმელის სანაცვლოდ 12 მილიონ ევროს გადაიხდის.

Mundo Deportivo-ს ცნობით, დეულოფეუ, რომელმაც გასული სეზონი “მილანში” გაატარა, “კამპ ნოუზე” ევრო 2017-ის დასრულების სემდეგ გადაბარგდება.

შეგახსენებთ, რომ 21-წლამდელთა ევროპის ჩემპიონატს პოლონეთი მასპინძლობს და ის სტარტს 16 ივნისს აიღებს, ფინალი კი 30 ივნისს უნდა გაიმართოს.

მიმდინარე სეზონში დეულოფეუმ სერია ა-ს 17 მატჩში მიიღო მონაწილეობა, გაიტანა 4 გოლი და გააკეთა სამი საგოლე გადაცემა.

მსგავსი სიახლეები