“ბარსელონა” იმ სასტუმროში დაბინავდა, სადაც მოურინიო ცხოვრობს

უეფას ჩემპიონთა ლიგის ჯგუფური ეტაპის მეოთხე ტურში “ბარსელონა” “მანჩესტერ სიტის” ესტუმრება. კატალონიური გუნდი უკვე მანჩესტერშია.

აღსანიშნავია, რომ “ბარსელონას” დელეგაცია იმ სასტუმროში დაბინავდა, სადაც “მანჩესტერ იუნაიტედის მთავარი მწვრთნელი ჟოზე მოურინიო და გუნდის ნახევარმცველები – პოლ პოგბა და ჰენრიხ მხითარიანი ცხოვრობენ.

“მანჩესტერ სიტისა” და “ბარსელონას” შორის მატჩი დღეს გაიმართება და თბილისის დროით 23 საათსა და 45 წუთზე დაიწყება. შეგახსენებთ, რომ ამ გუნდებს შორის “ნოუ კამპზე” გამართული შეხვედრა კატალონიური გუნდის დამაჯერებელი გამარჯვებით, ანგარიშით 4:0 დასრულდა.