“ბარსელონა” – “მანჩესტერ იუნაიტედი”: ნეიმარმა კვლავ გაიბრწყინა
ჟოზე მოურინიო 27 ივლისს კვლავ დაუპირისპირდა თავის ერთ-ერთ ყველაზე საძულველ კლუბს, “ბარსელონას”, ოღონდ არა “რეალის”, არამედ “მანჩესტერ იუნაიტედის” მთავარი მწვრთნელის რანგში.
პრესეზონის განმავლობაში “არსენალის”, “რეალისა” და “მანჩესტერ სიტისთან” მოპოვებული გამარჯვებებით გამოკეთებული ხასიათი “წითელ ეშმაკებს” სწორედ კატალონიელებმა გაიფუჭეს.
ამ ძალზედ საინტერესო მატჩში მხოლოდ ერთი გოლი გავიდა, რომლის ავტორიც “ბლაუგრანას” ბრაზილიელი სუპერვარსკვლავი, ნეიმარი გახლავთ.
შედეგად, “ბარსელონას” საერთასორისო ჩემპიონთა თასზე ორიდან ორი მოგება დაუგროვდა და ახლა “ლურჯ-ბროწეულისფრები” “რეალთან” გასამართი მატჩისთვის იწყებენ მზადებას.
“ბარსელონა”: სილესენი; ხორდი ალბა, უმტიტი, მაშერანო, სემედუ; ალენა, ბუსკეტსი, რაკიტიჩი; ნეიმარი, სუარესი, მესი
მთავარი მწვრთნელი: ერნესტო ვალვერდე
“მანჩესტერ იუნაიტედი”: დე ხეა; ვალენსია, ლინდელოფი, სმოლინგი, ბლინდი; პოლ პოგბა, მაიკლ კერიკი, ჯესი ლინგარდი; მხითარიანი, ლუკაკუ, რეშფორდი
მთავარი მწვრთნელი: ჟოზე მოურინიო
