„ბარსელონა“ მეოთხედფინალს მიუახლოვდა

თარიღი: თებერვალი 19, 2014

დღეს უეფას ჩემპიონთა ლიგის მიმდინარე სეზონის მერვედფინალური ეტაპი გაიხსნა. „ეტიჰადზე“ „მანჩესტერ სიტიმ“ „ბარსელონა“ მიიღო. ორი საინტერესო დეტალი მატჩისწინა პრესკონფერენციიდან: კატალონიური გუნდის მთავარმა მწვრთნელმა ხერარდო მარტინომ თქვა, იმ გუნდს უფრო გაუჭირდება, რომელსაც უბურთოდ თამაში მოუწევსო. „ქალაქელთა“ თავკაცმა მანუელ პელეგრინიმ კი ხაზი იმას გაუსვა, რომ „მანჩესტერ სიტი“ იმავე სტილით თამაშს შემოგვთავაზებდა, რასაც პრემიერლიგაში გვიჩვენებს. ბურთის ფლობით „ბარსელონამ“ მეტოქე ორივე ტაიმში დაჯაბნა, „სიტიმ“ კი მისთვის ჩვეული სტილი ვერ გვიჩვენა.

შეხვედრის პირველი ნახევარი უგოლოდ მიილია, რეალური საგოლე მომენტი თითქმის არც შექმნილა. მატჩის მთავარი პერიპეტიები მეორე ტაიმში განვითარდა. შეხვედრის 53-ე წუთზე „ქალაქელთა“ არგენტინელმა მცველმა მარტინ დემიკელისმა მეკარე ჯო ჰარტისკენ ერთი ერთზე მიმავალი თანამემამულე ლეო მესი „მოცელა“. თამაშის წესის დარღვევა საჯარიმოს გარეთ მოხდა, თუმცა არბიტრმა თერთმეტმეტრიანი ნიშნულისკენ მიუთითა, დემიკელისს კი წითელი ბარათი უჩვენა. პენალტი თავად მესიმ შეასრულა, ჰარტი მარცხნივ გადახტა, ლეომ შუაში დაარტყა და გაიტანა. „სიტი“ მოედანზე რიცხობრივ უმცირესობაში დარჩა, რამაც „ბარსელონას“ საქმე კიდევ უფრო გააიოლა, სტუმრებმა სათამაშო უპირატესობა კიდევ უფრო გაზარდეს. შედეგად, მატჩის ბოლო წუთზე კატალონიელებმა კიდევ ერთი გოლი გაიტანეს: სტუმართა მარჯვენა ფლანგიდან წამოწყებული შეტევა დანი ალვესმა და ნეიმარმა განავითარეს, რომლებმაც ადვილად გააბითურეს გაელ კლიში და ჯოლეონ ლესკოტი, კარიდან გამოსულ ჰარტს კი ალვესმა ბურთი ფეხებს შორის გაუტარა და „ბარსელონას“ უპირატესობა გაზარდა.

2-0 – ამ ანგარიშით გაიმარჯვა კატალონიურმა გუნდმა და განმეორებითი მატჩის წინ სერიოზული ფორა შეიქმნა. ვენსან კომპანის უნდა დავეთანხმოთ, რომელმაც შეხვედრის შემდეგ თქვა, რომ თუ „ბარსელონა“ მეორე შეხვედრაში მისთვის ჩვეულ ფეხბურთს ითამაშებს, ინგლისელებს ძალიან გაუჭირდებათ, თუმც „სიტი“ მომდევნო ეტაპზე გასვლის შანსს ინარჩუნებსო. განმეორებითი მატჩი „ნოუ კამპზე“ 12 მარტს შედგება.

უეფას ჩემპიონთა ლიგა
მერვედფინალი (პირველი მატჩი)
„მანჩესტერ სიტი“ – „ბარსელონა“ 0:2 (0:0)

„მანჩესტერ სიტი“: ჰარტი, ზაბალეტა, კომპანი, დემიკელისი, კლიში, იაია ტურე, ფერნანდინიო, ხესუს ნავასი (ნასრი 58′), დავიდ სილვა, კოლაროვი (ლესკოტი 58′), ნეგრედო (ჯეკო 74′).
მთავარი მწვრთნელი: მანუელ პელეგრინი.
„ბარსელონა“: ვალდესი, დანი ალვესი, პიკე, მასკერანო, ალბა, ჩავი, ბუსკეტსი, ფაბრეგასი (სერხი რობერტო 86′), სანჩესი (ნეიმარი 74′), მესი, ინიესტა.
მთავარი მწვრთნელი: ხერარდო მარტინო.
გოლები: მესი 54′ (პენ), დანი ალვესი 90′.
გაფრთხილებები: ნეგრედო 28′, კოლაროვი 37′ – დანი ალვესი 23′, მასკერანო 76′.
გაძევება: დემიკელისი 53′.
მთავარი მსაჯი: იონას ერიქსონი (შვედეთი).

ბექა დოგრაშვილი

მსგავსი სიახლეები
ფეხბურთი

FIFA 20-ს ახალი ტურნირი დაემატა

საფეხბურთო სიმულატორ FIFA 20-ში კიდევ ერთი ტურნირი – ლიბერტადორესის თასი დაემატა. სამხრეთ ამერიკის უმთავრესი საკლუბო […]...
წაკითხვა
ფეხბურთი

საქართველოს ნაკრების წევრი ევრო-2020-ის შესარჩევი ეტაპის საუკეთესო მოთამაშეთა ასეულში

უეფამ 2020 წლის ევროპის ჩემპიონატის საკვალიფიკაციო ეტაპის საუკეთესო ფეხბურთელები გამოავლინა. საუკეთესო ასეულში საქართველოს ნაკრების ერთადერთი [&hellip...
წაკითხვა
ფეხბურთი

“ტოტენჰემი” მოურინიოს ზამთრის ტრანსფერებისთვის ფულს არ გამოუყოფს

ბრიტანული პრესის თანახმად, “ტოტენჰემ ჰოთსპურის” ხელმძრვანელობა იანვრის სატრანსფერო პერიოდისთვის გუნდის ახალ მთავარ მწვრტნელ ჟოზე მოურინიოს...
წაკითხვა
ფეხბურთი

მოურინიომ “ტოტენჰემის” პირველი სატრანსფერო მიზანი დაასახელა

“ტოტენჰემ ჰოთსპურის” ახალდანიშნულმა მთავარმა მწვრთნელმა ჟოზე მოურინიომ ლონდონური გუნდის პირველი სატრანსფერო მიზანი დაასახელა. პორტუგალიელ ...
წაკითხვა
ფეხბურთი

“მალაგას” ყოფილი ფეხბურთელი დაკავებულია, აღმოჩენილია 1 ტონამდე ჰაშიში

“მალაგას” ყოფილი ფეხბურთელი, სერხიო პარდო, ცნობილი როგორც კოკე, ესპანეთის სამეფო პოლიციის მიერ ჩატარებული ოპერაციის შედეგად […]...
წაკითხვა
ფეხბურთი

ედინ ჯეკო, შესაძლოა, ზამთარში პრემიერ ლიგაში გადაბარგდეს

ბრიტანულ პრესაში გავრცელებული უახლესი ინფორმაციის თანახმად, “რომას” თავდამსხმელი, ედინ ჯეკო, დიდი ალბათობით, პრემიერ ლიგაში გააგრძელებს [&...
წაკითხვა
ფეხბურთი

როგორი იქნება ჟოზე მოურინიოს ანაზღაურება “ტოტენჰემში”?

20 ნოემბერს ლონდონის “ტოტენჰემის” მთავარი მწვრთნელის პოსტზე გამოცდილი სპეციალისტი, ჟოზე მოურინიო დაინიშნა. პორტუგალიელმა მწვრთნელმა კლუბთა...
წაკითხვა
ფეხბურთი

ჰარი კეინმა პოჩეტინოს გამოსამშვიდობებელი წერილი მიუძღვნა

19 ნოემბერს ლონდონის “ტოტენჰემის” ხელმძღვანელობამ გუნდის მთავარი მწვრთნელის პოსტიდან მაურისიო პოჩეტინოს გათავისუფლებით ბევრისთვის მოულოდნე...
წაკითხვა
ფეხბურთი

ოფიციალურად: ჟოზე მოურინიო “ტოტენჰემის” მთავარი მწვრთნელია!

ლონდონის “ტოტენჰემს” ამიერიდან ჟოზე მოურინიო გაწვრთნის. კლუბის ოფიციალურმა ვებ-გვერდმა დაადასტურა, რომ პორტუგალიელმა სპეციალისტმა დღეს მთა...
წაკითხვა
ფეხბურთი

ბელგიის ნაკრები ევრო-2020-ის საკვალიფიკაციო ეტაპის ყველაზე შედეგიანი გუნდია

ბელგიის ნაკრები 2020 წლის ევროპის ჩემპიონატის საკვალიფიკაციო ეტაპის ყველაზე შედეგიანი გუნდია. “წითელ ეშმაკებს” სამშაბათამდე აქტივში [&hell...
წაკითხვა
ფეხბურთი

ვეინალდუმისა და დე იონგის ჟესტი გოლის შემდეგ (ფოტო, ვიდეო)

ევროპის 2020 წლის ჩემპიონატის შესარჩევ ეტაპზე, ჰოლანდიისა და ესტონეთის ნაკრებებს შორის მიმდინარე მატჩში ანგარიში მე-6 […]...
წაკითხვა
ფეხბურთი

ოფიციალურად: “ტოტენჰემმა” მაურისიო პოჩეტინო გაათავისუფლა

ლონდონის “ტოტენჰემმა” გუნდის მთავარი მწვრთნელი, მაურისიო პოჩეტინო გაათავისუფლა. ამ ინფორმაციას ლონდონური კლუბის ოფიციალური ვებ-გვერდი ავრც...
წაკითხვა
ფეხბურთი

იურგენ კლოპი: “ყველაზე მეტად “სევილიას” სტადიონზე თამაში არ მიყვარს̶

“ლივერპულის” მთავარმა მწვრთნელმა, იურგენ კლოპმა, პრესასთან საუბრისას აღნიშნა, რომ სტადიონი, რომელზეც ყველაზე მეტად არ უყვარს […]...
წაკითხვა
ფეხბურთი

სიტუაცია გამოუვალია – პოჩეტინო დენიელ ლევის შეხვდა

“ტოტენჰემში” არსებულ რთულ ვითარებასთან დაკავშირებით კლუბის დირექტორი და მთავარი მწვრთნელი ერთმანეთს შეხვდნენ. The Telegraph-ის ცნობით, [&h...
წაკითხვა
ფეხბურთი

ლუის ენრიკე ესპანეთის ნაკრებში დაბრუნდა

ესპანეთის ეროვნულ ნაკრებს ისევ ლუის ენრიკე გაწვრთნის. ეს ინფორმაცია დღეს ესპანეთის ფეხბურთის ფედერაციამ დაადასტურა. როგორც […]...
წაკითხვა