“ბარსელონა” პედრის გამოსასყიდ თანხად 400 მილიონს ასახელებს

თარიღი: ოქტომბერი 10, 2021

კატალონიის “ბარსელონას” ხელმძღვანელები ძალიან ახლოს იმყოფებიან პედრისთვის ახალი კონტრაქტის გაფორმებასთან. ამ ინფორმაციას კატალონიური გამოცემა Mundo Deportivo ადასტურებს.

როგორც ცნობილი ხდება, “ბლაუგრანაში” სრულად აანალიზებენ იმ ფაქტს, რომ უახლოეს მომავალში ახალგაზრდა ესპანელი ფეხბურთელის მიმართ ინტერესი გაიზრდება და მის შესანარჩუნებლად ყველაფრის გაკეთებას გეგმავენ.

რამდენადაც ჩვენთვის ცნობილი ხდება, ახალ ხელშეკრულებაში გაწერილი იქნება პუნქტი, რომლის მიხედვითაც პედრის გამოსასყიდი თანხა 400 მილიონი ევრო იქნება.

მხარეები ჯერჯერობით ვერ თანხმდებიან კონტრაქტის ვადაზე. “ბარსელონას” ესპანელ ტალანტთან 5-წლიანი ხელშეკრულების დადება სურს, თუმცა თავად ფეხბურთელის წარმომადგენლები მოკლევადიან კონტრაქტს ითხოვენ.



მსგავსი სიახლეები