“ბარსელონა” ყოფილ ვიცე-პრეზიდენტს სასამართლოში უჩივლებს

კატალონიის “ბარსელონა” კლუბის ყოფილ ვიცე-პრეზიდენტ ემილი რუსოს სასამართლოში უჩივლებს. ამ ინფორმაციას კლუბის ოფიციალური ვებ-გვერდიც ადასტურბს.

როგორც იცით, რამდენიმე დღის წინ კატალონიური გრანდი ერთდროულად ექვსმა დირექტორმა დატოვა. მათ შორის იყო ემილი რუსომ, რომელიც კლუბის მმართველი კორუფციაში დაადანაშაულა.

კლუბის ცნობით, ზემოხსენებულ საკითხზე უკვე დაიწყო მუშაობა აუდიტის სამსახურმა. იმ შემთხვევაში, თუ დარღვევები არ იქნება აღმოჩენილი, ემილი რუსო ცილისწამებაში იქნება დადანაშაულებული.

“ლურჯ-ბროწეულისფერთა” მიერ გამოქვეყნებულ განცხადებაში ვკითხულობთ, რომ ბოლო დროს განვითარებული მოვლენები კლუბის იმიჯზე უარყოფითად მოქმედებს და ამის უპასუხოდ დატოვება არ შეუძლიათ.