“ბარსელონამ” გასვლაზე “მანჩესტერ იუნაიტედი” დაამარცხა (ვიდეო)

უეფას ჩემპიონთა ლიგის მიმდინარე გათამაშების მეოთხედფინალურ ეტაპზე “მანჩესტერ იუნაიტედსა” და “ბარსელონას” შორის პირველი მატჩი გაიმართა. “ოლდ ტრაფორდზე” ჩატარებული შეხვედრა კატალონიელთა გამარჯვებით, ანგარიშით 1:0 დასრულდა.

“ბარსელონამ” კარგად დაიწყო თამაში და მე-12 წუთზე დაწინაურდა კიდეც, როდესაც ლუის სუარესის დარტმის შემდეგ ბურთი ლიუკ შოუს მოხვდა და კარში შევარდა. ტაიმის მეორე ნახევარი “წითელმა ეშმაკებმა” წარმართეს, თუმცა – რეზულტატის გარეშე. შეხვედრის მეორე ნახევარი ძირითადად დაბალ ტემპში წარიმართა და მაყურებელს გატანილი გოლი აღარ უნახავს.

წყვილის განმეორებითი შეხვედრა “ნოუ კამპზე”, 16 აპრილს ჩატარდება.

ჩემპიონთა ლიგა
მეოთხედფინალი (I მატჩი)
“მანჩესტერ იუნაიტედი” — “ბარსელონა” 0:1 (0:1)
გოლი: შოუ 12′ (ა.გ.)