“ბარსელონამ” “სანჩეს პისხუანზე” ქულები დაკარგა, “რეალს” პირველობის შანსი ეძლევა (ვიდეო)

20 ივნისს ესპანეთის ჩემპიონატის 30-ე ტურის ცენტრალურ შეხვედრას “სანჩეს პისხუანმა” უმასპინძლა. იულიენ ლოპეტეგის “სევილიამ” საკუთარ კედლებში კიკე სეტიენის “ბარსელონა” მიიღო.

კატალონიურ გრანდს ამ მატჩში 3 ქულის მოპოვება ჰაერივით სჭირდებოდა, რადგანაც ქულების დაკარგვის შემთხვევაში “რეალს” პირველ ადგილზე გადანაცვლების შანსს აძლევდა.

მატჩი გარდამავალი უპირატესობით მიმდინარეობდა, თუმცა შეიძლება ითქვას, რომ თამაშის სადავეები ხელში “დალაქებს” ეჭირათ. მესიზე ორიენტირებულმა თამაშმა ამჯერად შედეგი ვერ გამოიგო და დაპირისპირება უგოლოდ დასრულდა.

ასე რომ, 22 ივნისს “რეალ სოსიედადის” დამარცხების შემთხვევაში მადრიდის “რეალი” პირველ ადგილზე გადაინაცვლებს. “სევილია” კი 52 ქულით მესამე პოზიციას იკავებს და ჩემპიონთა ლიგის საგზურის განაღდებისთვის იბრძვის.