ბარსელონას 1.2 მილიარდი ევროს ოდენობის ვალი დაუგროვდა

კატალონიური “ბარსელონას” ოფიციალურ ვებ-გვერდზე 2020 წლის ფინანსური ანგარიშის საბუთები გამოქვეყნდა, სადაც ნათლად ჩანს კორონავირუსის პანდემიის მიერ დატოვებული კვალი.

დოკუმენტების თანახმად “ბლაუგრანას” ვალი საერთო ჯამსი 1.2 მილიარდ ევროს შეადგენს, რომლის უმეტესი ნაწილიც (730 მილიონი) მოკლევადიანი გახლავთ.

აღსანიშნავია ის ფაქტიც, რომ კლუბი შემოსავლების დაახლოებით 74 პროცენტს ხელფასებში ხარჯავს. Goal-ის ინფორმაციით, სწორედ ეს ფაქტი აღელვებთ კლუბის ხელმძღვანელებს ყველაზე მეტად და ამიტომაც მიმდინარეობდა მოლაპარაკებები ასეთი სიხშირით ხელფასების შემცირებაზე.

გეტყვით იმასაც, რომ “ბარსას” სხვა კლუბების ვალიც აქვს 126 მილიონი ევროს ოდენობით. მაგალითისთვის, კლუბს ჯერაც არ გადაუხდია ბოლომდე ფილიპე კოუტინიოსა და ფრენკი დე იონგის ტრანსფერების თანხა.