“ბარსელონას” დირექტორმა რაფინიას მომავალთან დაკავშირებით განცხადება გააკეთა

“ბარსელონას” დირექტორი არიედო ბრაიდა, რომელიც კლუბის სატრანსფერო პოლიტიკას განკარგავს, რაფინიაზე საუბრისას აცხადებს, რომ ფეხბურთელი “ინტერში” არ გაიყიდება, მიუხედავად მილანელთა დიდი ინტერესისა.

“რაფინია “ბარსელონაში” დარჩება. ეს ის ფეხბურთელია, რომელსაც ერთი შეხებით შეუძლია მატჩის ბედის გადაწყვეტა.ის ძალიან მაღალი დონის მოთამაშეა.

გასულ წელს, ტრავმის გამო, ბევრი ვერ ითამაშა “ბარსელონაში”, მილანში კი თავი მშვენივრად წარმოაჩინა. რაფინია ძალიან საინტერესო ფეხბურთელია, რომელიც “ბარსელონაში” თავს ბედნიერად გრძნობს,” – აცხადებს ბრაიდა.

ცნობისთვის გეტყვით, რომ 2017/18 წლების სეზონში რაფინიამ მხოლოდ ერთ ოფიციალურ მატჩში მოირგო “ბარსას” მაისური, შემდეგ კი “ინტერში” გაანათხოვრეს.