“ბარსელონას” სპორტული დირექტორი: “მესი და ინიესტა კონტრაქტს გაახანგრძლივებენ”

თარიღი: მარტი 21, 2017

“ბარსელონას” სპორტული დირექტორი რობერტ ფერნანდესი დარწმუნებით ამბობს, რომ ლიონელ მესი და ანდრეს ინიესტა კლუბთან კონტრაქტს გაახანგრძლივებენ.

“მესი ხელშეკრულებას გაახანგრძლივებს. ის “ბარსელონაში” ბედნიერია, ამას მის თვალებში ვხედავ. აბსოლუტურად დარწმუნებული ვარ, რომ ლეო ახალ კონტრაქტს ხელს მოაწერს. მესის მომავალი რეზონანსული თემაა და არ მინდა ამაზე განსაკუთრებული ყურადღების გამახვილება.

კონტრაქტს ინიესტაც გაახანგრძლივებს, როდესაც ამისთვის შესაფერისი დრო დადგება. ამასთან დაკავშირებით რაიმე ეჭვი არ არსებობს”, – ციტირებს ფერნანდესის სიტყვებს “მარკა”.

შეგახსენებთ, რომ ორივე ფეხბურთელის კონტრაქტის ვადა 2018 წლის 30 ივნისს იწურება.

მსგავსი სიახლეები