ბასილაშვილის გამარჯვება დაძაბულ შეხვედრაში

მსოფლიოს მე-16 ჩოგანმა, ნიკოლოზ ბასილაშვილმა უიმბლდონი გამარჯვებით დაიწყო. ტურნირის პირველ წრეში ქართველი ჩოგბურთელი ბრიტანელ ჯეიმს უორდს შეხვდა და მეტოქე უდაძაბულეს დაპირისპირებაში, ხუთ სეტში – 2:6, 4:6, 6:4, 6:4, 8:6 დაამარცხა. შეხვედრა 3 საათსა და 31 წუთს გაგრძელდა.

ქართველმა ჩოგბურთელმა პირველი ორი სეტი დათმო, შემდეგ კი მებრძოლი ხასიათი გამოავლინა და შეხვედრის შემოტრიალება მოახერხა.

ბასილაშვილი 1/32-ფინალში ბრიტანელ დანიელ ევანსს შეხვდება. ევანსმა პირველ წრეში არგენტინელი ფედერიკო დელბონისი სამ სეტში, 6:3, 7:6, 6:3 დაამარცხა.