ბეგოვიჩი “ლივერპულის” დაცვაზე: “მგონი, საერთოდ არ იციან, რას ნიშნავს, იყო მცველი”
“ბორნმუთის” კარის დარაჯმა, ასმირ ბეგოვიჩმა “ლივერპულის” დაცვის ხაზზე საუბრისას ირონიას გვერდი ვერ აუარა და აღნიშნა, რომ მათ დაცვის ელემენტარული მეთოდების გამოყენებაც კი არ შეუძლიათ.
“მათ ელემენტარული რაღაცების გაკეთებაც კი არ შეუძლიათ დაცვის დროს. მგონი, საერთოდ არ ესმით, რას ნიშნავს, იყო მცველი.
ამ პოზიციაზე თამაში ბევრ უნარს მოითხოვს: კომუნიკაციას, პოზიციის სწორად არჩევასა და რაც მთავარია, მოტივაციას. რაც როგორც წესი, “ლივერპულს” აკლია ხოლმე. ისეთი შთაბეჭდილება მრჩება, რომ ისინი ორგანიზებულობისგან შორს არიან.
თუმცა უნდა აღინიშნოს, რომ ბურთთან ერთად “ლივერპულის” ფეხბურთელები მაინც კარგად მოქმედებენ, ფლანგის მცველებიც ხშირად ერთვებიან შეტევაში, თუმცა დაცვა მაინც გამოსასწორებელია,” – აცხადებს ბეგოვიჩი.
შეგახსენებთ, რომ “ლივერპული” ამ დროისთვის პრემიერ ლიგის სატურნირო ცხრილში მე-9 ადგილს იკავებს 13 ქულით.
