ბეგოვიჩი: “მსურს, კურტუასთან საკუთარი თავი გამოვცადო”

“არისტოკრატთა” ახალწვეული მეკარის განცხადებით, მას გამუდმებით სათადარიგოთა სკამზე ჯდომა არ სურს.

მოგეხსენებათ, ასმირ ბეგოვიჩი ლონდონის “ჩელსის” შემადგენლობას “სტოკ სიტიდან” შეუერთდა და ოთხწლიანი ხელშეკრულება გააფორმა.

“მსურს, ტიბო კურტუას წინააღმდეგ საკუთარი თავი გამოვცადო. რა თქმა უნდა, ის მსოფლიოში ერთ-ერთი საუკეთესო გოლკიპერია, თუმცა მე საკუთარი თავის მჯერა. ბევრს ვიბრძოლებ იმისთვის, რათა “ჩელსის” მაისურით რაც შეიძლება ხშირად ვითამაშო”, – აცხადებს ბეგოვიჩი.

“ბევრს ვიმუშავებ და კართან ჩემს მოვალეობას გულმოდგინედ გავართმევ თავს. მინდა, გუნდს სარგებელი მოვუტანო”.

“მეორე ნომერი? არა, მე აქ მოვედი, რათა პირველი მეკარეობისთვის ვიბრძოლო”, – დაასრულა 28 წლის ფეხბურთელმა.