ბენედიქტ ჰიოვედესი სოლომონ კვერკველიას თანაგუნდელი გახდა

გელზენკირხენის “შალკესა” და ბენედიქტ ჰიოვედესის გრძელვადიანი თანამშრომლობა დასასრულს მიუახლოვდა. ეს უკანასკნელი კარიერას სოლომონ კვერკველიას “ლოკომოტივში” გააგრძელებს. ამ ინფორმაციას რუსული კლუბის ოფიციალური ვებ-გვერდიც ადასტურებს.

ასე რომ, 30 წლის გერმანელი მცველი, შესაძლოა, ქართველი ფეხბურთელის მეწყვილედაც მოგვევლინოს თუ, რა თქმა უნდა, სოლომონ კვირკველია მოსკოვურ კლუბს ზაფხულის სატრანსფერო ფანჯარაზე არ დატოვებს.

ჰიოვედესმა “შალკეს” მაისურით ბუნდესლიგაში 16 სეზონი ჩაატარა და 240 მატჩში მიიღო მონაწილეობა. მან “შალკესთან” ერთად 2011 წელს გერმანიის თასი მოიგო, 2014 წელს კი გერმანიის ნაკრების ტრიუმფის მონაწილე გახდა მსოფლიო ჩემპიონატზე.

აქვე გეტყვით იმასაც, რომ “ლოკომოტივი”, როგორც რუსეთის ჩემპიონი ჩემპიონთა ლიგაზე ასპარეზობას ჯგუფური ეტაპიდან დაიწყებს.