ბექჰემი: “მასთან ერთად თამაში ჩემი ოცნება იქნებოდა”

ინგლისის ნაკრებისა და “პარი სენ-ჟერმენის” ყოფილმა ნახევარმცველმა დევიდ ბექჰემმა კომენტარი გააკეთა პარიზელთა 21 წლის ფორვარდ კილიან მბაპეზე, რომელმაც საფრანგეთის ლიგა 1-ის მე-13 ტურში “მონპელიეს” წინააღმდეგ გამართულ მატჩში (3:1) დედაქალაქური გუნდის შემადგენლობაში მე-100 გოლი გაიტანა.

“მინდა, რომ დღესაც ფეხბურთელი ვიყო, რადგან ისეთ თავდამსხმელთან ერთად თამაში, როგორიც მბაპეა, ჩემთვის ნამდვილი ოცნებაა”, – ციტირებს ბექჰემის სიტყვებს Goal-ი.

შეგახსენებთ, რომ კილიან მბაპე “პარი სენ-ჟერმენის” რიგებში 2017 წლიდან თამაშობს. მან პარიზული გუნდის შემადგენლობაში ასი გოლის გატანა 137 მატჩში შეძლო.