ბექჰემი საკუთარ კლუბში მესისა და რონალდუს მიწვევას აპირებს

“ინტერ მაიამის” მფლობელმა დევიდ ბექჰემმა დაადასტურა ინფორმაცია, რომლის თანახმადაც, გუნდში ლიონელ მესისა და კრიშტიანუ რონალდუს მოწვევას აპირებს.

“თუ შესაძლებლობა იქნება, ევროპიდან ვარსკვლავებს, რა თქმა უნდა, მოვიწვევთ. მესისთან და რონალდუსთან კონტაქტი გვაქვს და როგორც ნებისმიერი კლუბი, ჩვენც ვოცნებობთ მათ ერთ გუნდში გაერთიანებაზე.

“ინტერ მაიამის” კარგად დაკომპლექტებული გუნდი ჰყავს და სადებიუტო სეზონში ღირსეულად ასპარეზობა შეეძლება, შემადგენლობის გაძლიერება კი მუდმივი ფიქრის საგანი იქნება”, – ციტირებს ბექჰემის სიტყვებს “მუნდო დეპორტივო”.

“ინტერ მაიამი” თავის პირველ ოფიციალურ მატჩს 2 მარტს, “ლოს ანჯელესის” წინააღმდეგ ჩაატარებს.