ბერიკა შუკაკიძე: “ერთი ეტაპის გადალახვა ლოგიკური იქნება, სხვა ეტაპების – გმირობა”

თარიღი: მაისი 2, 2017

ეროვნულ ლიგაში პირველი წრე უკვე დამთავრდა. შარშანდელი სეზონის ვიცე-ჩემპიონი, საჩხერის “ჩიხურა” არც ისე სახარბიელო სიტუაციაშია. იმერული კლუბი მარტის დასაწყისში ჩემპიონობის ერთ-ერთი მთავარი კანდიდატი იყო. ამჟამად კი, სოსო ფრუიძის შეგირდები 13 ქულით მეექვსე პოზიციაზე არიან. მათ ცხრა მატჩიდან ხუთში გამარჯევბის მოპოვება ვერ მოახერხეს. ბოლო დაპირისპირებაში, “ლოკომოტივთან”, ანგარიშით, 0:5 განადგურდნენ. “ჩიხურამ” ივლისში ევროსარბიელზე საქართველოს ღირსება უნდა დაიცვას.

Fanebi.Com-ი დაუკავშირდა საჩხერული კლუბის გენერალურ დირექტორს, ბერიკა შუკაკიძეს და განვითარებულ მოვლენებთან და სამომავლო გეგმებთან დაკავშირებით ინტერვიუ ჩაწერა.

– “ჩიხურა” “ეროვნული ლიგის” ბოლო ტურში “ლოკომოტივთან” განადგურდა. არა და, ამ მატჩის წინ გუნდის ნებისმიერი ფეხბურთელისთვის რომ გეკითხათ, მათი მიზანი მხოლოდ სამი ქულა იყო. თქვენი აზრით, რამ შეუშალათ ხელი მოთამაშეებსა და მწვრთნელებს წარმატების მიღწევაში?

– მიზეზებს კონკრეტულად გეტყვით: მეორე გოლამდე სათამაშო უპირატესობის გოლად ვერგარდასახვამ, ამის შემდეგ, დაცვაში დაშვებულმა შეცდომებმა და “ლოკომოტივის” კარგმა თამაშმა.

– იმერული კლუბი 13 ქულით მეექვსე ადგილზეა. “ლოკომოტივთან” მარცხი რომ დავივიწყოთ და ისე შევაფასოთ ამ სეზონში “ჩიხურას” გამოსვლა, დავინახავთ, რომ გუნდმა პრინციპულ მეტოქეებთან, “დინამოსთან” და “ტორპედოსთან” ერთი ქულაც კი ვერ აიღო. ქულების მოგროვებას კლუბი მხოლოდ სუსტ კლუბენთან ახერხებს (თუ არ ჩავთვლით ერთადერთს – “სამტრედიას”, რომელსაც ცუდი პერიოდი უდგას). რას უნდა დავაბრალოთ “ჩიხურას” რეგრესი და ცხრილში ნელ-ნელა უკან სვლა?

– პირველ რიგში, ჩემპიონატის ახალ ფორმატთან შეგუებას. ასევე, ამის მიზეზია თასზე გამოსვლა. არ უნდა დაგვავიწყდეს, ევროპა ლიგის მოლოდინი (რომლის დროსაც უნდა იყოს გუნდი სათამაშო პიკზე). ასევე, წარუმატებლოების ერთ-ერთი ფაქტორია გუნდის წამყვანი ფეხბურთელების ტრამვები.

– უსტადიონობა… ეს პრობლემა, სხვა ქართულ კლუბებთან ერთად, თქვენც გაგიჩნდათ. რა მდგომარეობაშია “ივანწმინდა არენა” და დაახლოებით მაინც, როდის შეგეძლებათ საკუთარ კედლებში დაბრუნება?

– მაისის ბოლომდე ალბათ ვერ მოვახერხებთ. ბალახი შევთესეთ, მაგრამ კლიმატური პირობების გამო, მოედანი ჯერ არ არის სათანადო მდგომარეობაში.

– როგორ ფიქრობთ, ახდენს უსტადიონობა და, შესაბამისად, მუდმივი მგზავრობა უარყოფით გავლენას ბიჭების ფიზიკურ კონდინციებზე?

– ბუნებრივია. “ჩიხურა” სტაბილურია, როცა მთელი გუნდი საჩხერეში იმყოფება.

– სოსო ფრუიძე 2008 წლის ივლისიდან უდგას იმერულ კლუბს სათავეში. ეს ძალიან დიდი დროა. ამ პერიოდის მანძილზე “ჩიხურა” პროგრესს განიცდიდა და შარშან ჩემპიონობამდე ცოტა დააკლდა. ამ სეზონში კი გუნდი ისეთი ვეღარ არის, როგორც წინათ. ხომ არ ფიქრობთ, რომ ფრუიძე ნელ-ნელა უკვე წურავს საკუთარ შესაძლებლობებს და წარუმატებლობის ერთ-ერთი ფაქტორიც სწორედ ესაა?

– ოთხწრიან ჩემპიონატში, პირველ წრეში არასტაბილური სტარტი პანიკის საბაბი არ უნდა გახდეს! რვა წლის ამაგი სამი თვის დროებითი არასტაბილურობის გამო, წყალში ჩაუყარო ადამიანს, დანაშაულია!

– საჩხერული გუნდი მოახლოებულ ზაფხულში ევროპის ლიგის საკვალიფიკაციო ეტაპზე იასპარეზებს. ამ გადმოსახედიდან, რა იქნება თქვენი მიზანი?

– ერთი ეტაპის გადალახვა ლოგიკური იქნება, ამის მერე სხვა ეტაპების – გმირობა.

– ევროსარბიელზე წარმატების მისაღწევად, თვლით თუ არა, რომ არის საჭირო გაძლიერება? თუ – კი, არის თუ არა ამის რესურსი კლუბში?

– სამწუხაროდ, ქართულ ფეხბურთში დღეს თითქმის ყველა პოზიციაზე ოსტატი ფეხბურთელების დეფიციტია. უცხოეთიდან კი საქართველოში მაღალი კლასის მოთამაშის ჩამოყვანის ფუფუნება ჩვენ არ გვაქვს.

– რა იქნება თქვენი მიზანი ეროვნულ ლიგაში?

– ტიტული არის უპირობო მოთხოვნა. ამ პირობის შესრულების ხარისხი გახდება ახალი კონტრაქტების საფუძველი.

 – და ბოლოს… რას ეტყვით ცოტათი იმედგაცრუებულ გულშემატკივარს?

– წარმტება აუცილებლად მოვა! მე მჯერა ჩემი ფეხბურთელების და მწვრთნელების!



მსგავსი სიახლეები
ფეხბურთი

კვარაცხელიამ 7 თვის შემდეგ შეაგდო და გაგიჟდაა (ვიდეო)

კვარაცხელიამ ძალიან დიდ ხნიანი პაუზის შემდეგ “უდინეზეს” გაუტანა. ყველაფერი თვითონ შექმნა და შეასრულა. ⚽️🇮🇹 GOAL […]...
წაკითხვა
ფეხბურთი

კარგი ამბავი კვარასთვის – ლაურენტისმა პირადად მოსთხოვა გარსიას

ცუდად დაწყებული სეზონის შემდეგ “ნაპოლის” პრეზიდენტმა აურელიო დე ლაურენტისმა მთავარ მწვრთნელ რუდი გარსიას პირადად მოსთხოვა, […]...
წაკითხვა
ფეხბურთი

რუი სერიოზულად დაფიქრდა – 15 მილიონი

იტალიური მედიის ინფორმაციით, კრიშტიანო რონალდოს “ალ-ნასრი” “ნაპოლის” მარცხენა მცველის, მარიო რუის დამატებით არის დაინტერესებული. რუის […]...
წაკითხვა
ფეხბურთი

მოჯი: “ხვიჩა კვარაცხელიას მხოლოდ ერთი რამე შეუძლია”

“იუვენტუსის” ყოფილმა სპორტულმა დირექტორმა ლუჩანო მოჯიმ ხვიჩა კვარაცხელიაზე ისაუბრა, თუმცა უარყოფითად. “კვარაცხელია უდავოდ ნიჭიერია, მაგრამ […]...
წაკითხვა
ფეხბურთი

ჯერ მარუშიჩი, ახლა იმრანი – “დინამოს” მორიგი ლიდერი გაექცა

1 წლის წინ სერბმა თავდამსხმელმა ზორან მარუშიჩმა ეროვნულ ლიგას დასცინა, “დინამოც” უნებართვოდ დატოვა, როცა კონტრაქტი […]...
წაკითხვა
ფეხბურთი

“რეალი” კვარას სანაცვლოდ 100 მილიონს იხდის

Gazzeta Dello Sport-ის ინფორმაციით, მადრიდის “რეალი” მზად არის “ნაპოლის” ხვიჩა კვარაცხელიას სანაცვლოდ 100 მილიონი ევრო […]...
წაკითხვა
ფეხბურთი

“ხვიჩას ფული არ აინტერესებს, მხოლოდ თამაში უნდა”

იტალიურ პრესაში კვლავ აქტიურად განიხილავენ “ნაპოლის” მთავარი მწვრთნელის, რუდი გარსიას დამოკიდებულებას ხვიჩა კვარაცხელიას მიმართ. ჯერ [&hel...
წაკითხვა
ფეხბურთი

იტალიური მედია: გარსიამ ხვიჩას აჩვენა, თუ ვინ არის ბოსი

“ნაპოლის” მთავარმა მწვრთნელმა რუდი გარსიამ “ბრაგას” წინააღმდეგ ხვიჩა კვარაცხელია მოედნიდან 66-ე წუთზე გაიყვანა, მიუხედავად იმი...
წაკითხვა
ფეხბურთი

საბოლოოდ – რა ხდება კვარას კონტრაქტზე?

უკვე რამდენიმე თვეზე მეტია იწერება, რომ ხვიჩა კვარაცხელია “ნაპოლისთან” კონტრაქტს გაახანგრძლივებს და 1.2 მილიონი ევროდან […]...
წაკითხვა
ფეხბურთი

სად არის ნეიმარი? თომა ტაბატაძემ “ალ ჰილალს” გაუტანა (ვიდეო)

აზიის ჩემპიონთა ლიგაზე ნეიმარის “ალ ჰილალი” თომა ტაბატაძის “ნავბაჰორს” ეთამაშება. ნეიმარის მხარდამხარ მიტროვიჩი და მალკომიც [&...
წაკითხვა
ფეხბურთი

იტალიური მედია: ცნობილია მიზეზი, თუ რატომ “აღარ” თამაშობენ კვარა და ოსიმენი

იტალიური მედია აქტიურად განიხილავს “ნაპოლის” წარუმატებლად დაწყებულ სეზონს და ამის ერთ-ერთ მთავარ მიზეზად ახალ მწვრთნელს, […]...
წაკითხვა
ფეხბურთი

ქუთათელაძე რუსეთში დაბრუნდა და გაგნიძის “დინამოს” ქუსლით გაუტანა (ვიდეო)

ნიკოლოზ ქუთათელაძე “როდეზიდან” რუსულ “პარიში” დაბრუნდა, სადაც 82-ე წუთზე მოედანზე შევიდა და 88-ე წუთზე ქუსლით […]...
წაკითხვა
ფეხბურთი

ლევან სალუქვაძე: “ჩაკვეტაძის მამამ “ბაიერნში” გადასვლაზე უარი თქვა”

სპორტულმა კომენტატორმა, თბილისის “დინამოს” პრეზიდენტის ყოფილმა მრჩეველმა, ლევან სალუქვაძემ “სარბიელის” გადაცემაში გიორგი ჩაკვე...
წაკითხვა
ფეხბურთი

მერაბ მეტრეველი: “ვის უნდა ისეთი მწვრთნელი, რომელიც გუნდს ავალებს 2-ზე მეტი გოლი არ

ჟურნალისტმა მერაბ მეტრეველმა სოციალურ ქსელში საქართველოს ნაკრებზე დაწერა. “მეტრეველი: “სანიოლი სასწრაფოდ გასაშვებია და კობიაშვილი – ...
წაკითხვა
ფეხბურთი

შარაშენიძე: “ფეხბურთში რამდენი თამაში უნდა წავაგოთ სამარცხვინოდ, რომ რეალობა გავიაზრ

ლექტორმა თორნიკე შარაშენიძემ, რომელიც ფეხბურთზე საკმაოდ ხშირად წერს ხოლმე, ნორვეგია-საქართველოს მატჩი შეაფასა. “ჩემი დაკვირვებით უკვე […]...
წაკითხვა