ბლინდი: “მანჩესტერ იუნაიტედი” აუცილებლად მოხვდება პირველ ოთხ გუნდს შორის”

თარიღი: თებერვალი 12, 2017

“მანჩესტერ იუნაიტედმა” პრემიერ ლიგის 25-ე ტურის შეხვედრა მოიგო და ახლა 48 ქულით მეექვსე ადგილზე იმყოფება. ისიც აღსანიშნავია, რომ მანჩესტერელებს მეორეადგილოსან “ტოტენჰემთან”, მხოლოდ და მხოლოდ, 2 ქულა აშორებს. მოურინიოს შეგირდები შესანიშნავ ფორმაში იმყოფებიან და მათი ამბიციებიც დიდია.

ერთ-ერთმა “წითელმა ეშმაკმა,” დალეი ბლინდმა MUTV-სთან ისაუბრა. მან დარწმუნებით თქვა, რომ “წითელი ეშმაკების” გარჯა აუცილებლად გამოიღებს და სეზონის ბოლოს გუნდი საუკეთესო ოთხ კლუბს შორის იქნება.

“ეს მიზანი ძალიან ახლოსაა.უბრალოდ, აუცილებელია პრემიერ ლიგის თითოეულ თამაშზე მაქსიმალურად კონცენტრირება და აუცილებლად მივაღწევთ სასურველ მიზანს. დარწმუნებული ვარ, გათამაშების დასრულების შემდეგ, აუცილებალდ ვიქნებით პირველ ოთხ მონაწილეს შორის.”

“ყველას სურს თამაში. შესაბამისად, ახალი მწვრთნელის ხელში, მონდომებულები ვართ, საკუთარი შანსი კარგად გამოვიყენოთ. ეს ყველაფერი საბოლოო შედეგზე დადებითად აისახება.”

“ამ გუნდში შესანშნავი მოთამაშეები გამოდიან. მათ ახასიათებთ შრომისმოყვარეობა და კრეატიულობა. ბედნიერი ვარ, რომ მათ გვერდზე ვთამაშობ,” – განაცხადა ბლინდმა.

მსგავსი სიახლეები