ბორდალასი დაცვას მიდგა და მამარდაშვილზე არაფერი უთქვამს
“ვალენსიას” მთავარმა მწვრთნელმა ხოსე ბორდალასმა “ბარსელონასთან” 1-4 მარცხის შემდეგ დაცვის შეცდომებზე ისაუბრა, მაგრამ მამარდაზე არაფერი უთქვამს.
“როცა ამდენ გოლს უშვებ, ნებისმიერი რამისთვის მზად უნდა იყო. თითქმის ყველაფერი ვცადეთ, ყველა ფორმაცია, მაგრამ არაფერი გამოვიდა. ბოლოს 4 გოლი მივიღეთ. მატჩისთვის კარგად ვიყავით მომზადებული, თუმცა “ბარსას” პირველი გოლის ეპიზოდში შეცდომა დავუშვით და ბურთი მცველების უკან აღმოჩნდა, მეორე გოლშიც პასიურები ვიყავით. ასე არ შეიძლება, უნდა გავიღვიძოთ და ნაკლები გავუშვათ”
“ვწუხვარ გულშემატკივრების გამო, თუმცა “ბარსელონა” მაინც ძლიერი გუნდია, როგორც არ უნდა იყოს, ჩვენ კი მომდევნო შეხვედრებში, “მალიორკასთან” და “ბილბაოსთან” უნდა გავიმარჯვოთ”, – განაცხადა ბორდალასმა.
ქართველს გუშინ ესპანეთში ძალიან ცუდი პრესა ჰქონდა. მე-4 გოლის გარდა, მას სხვა ბურთების დროსაც არასწორი პოზიციის დაკავებაში და კარის დაკარგვაში ადანაშაულებენ.
