ბორჯღალოსნები | ზაფხულისთვის 40 ემზადება
31 მაისს ‘ფრანგ ბარბაროსებთან’ და ივნისში ოკეანეთში გასამართი სამი ტესტ-მატჩისთვის ჯამში 40 ბორჯღალოსანი მოემზადება.
მათი ნაწილი უკვე თბილისშია და უახლოესი შეხვედრისთვის ემზადება, რომელსაც მილთონ ჰეიგის შეგირდები 31 მაისს, 20 საათზე ‘დინამო არენაზე’ გამართავენ. ფიჯიზე, კერძოდ სუვაში გასამართი 2018 წლის ‘წყნარი ოკეანის თასზე’ წამსვლელთა სია მოგვიანებით დაზუსტდება.
შეგახსენებთ, ‘წყნარი ოკეანის თასზე’ 9 ივნისს ტონგას, ხოლო 16-ში მასპინძელ ფიჯის ვეთამაშებით, 23 ივნისს კი ტოიოტაში იაპონიის ნაკრებთან ტესტ-მატჩს გავმართავთ.
საზაფხულო გაფართოებულ შემადგენლობაში 23 მორკინალი და 17 ბექია. ზე რაგბის იაპონურ ფრანჩაიზში, ‘სანვულვზში’ გადასვლის შემდეგ, ნაკრების კვართით პირველად ითამაშებს კვაჭი ჯაბა ბრეგვაძე. გაფართოებულ შემადგენლობაშია გორის ;ჯიქის’ შუამარბი რევაზ ჯინჯიხაძე, რომელსაც ბორჯღალოსანთა კვართით ჯერ არ უთამაშია.
23 მორკინალიდან 19 ლეგიონერია – 15 საფრანგეთიდან და თითო-თითო იაპონიიდან, ინგლისიდან, უელსიდან და რუსეთიდან.
ერთწლიანი შესვენების შემდეგ ნაკრებს უბრუნდება თამაზ მჭედლიძე. ხაზში საფრანგეთიდან ორი ლეგიონერი გვყავს, სამი ციმბირული კლუბებიდანაა, ხოლო დანარჩენი 12 დიდი 10-ის წარმომადგენელია.
მილთონ ჰეიგი ამბობს, რომ ოკეანეთისა და იაპონიის ტურნესათვის 33-კაციანი შემადგენლობა უახლოეს მომავალში დასახელდება:
„ტრავმებიდან დაბრუნებული მოთამაშეების გათვალისწინებით, ზაფხულის სანაკრებო ფანჯრისთვის გაფართოებული შემადგენლობა დავასახელეთ. ამ მორაგბეების ნაწილს, ნაკრების კვართით დიდი ხანია არ უთამაშიათ და ახლა ეძლევათ შანსი დაამტკიცონ, რომ სანაკრებო რაგბისთვის მზად არიან“.
„უახლოეს მომავალში დავასახელებთ 33-კაციან შემადგენლობას, რომელიც ოკეანეთისა და იაპონიის ტურნეზე გაემგზავრება. მანამდე 31 მაისი და უმნიშვნელოვანესი მატჩია ‘ფრანგ ბარბაროსებთან’, რომელსაც ‘დინამო არენაზე’ გავმართავთ“.
ბორჯღალოსნების გაფართოებული შემადგენლობა
Rugby.Ge
