ბორჯღალოსნების ისტორიული გამარჯვება
საქართველოს მორაგბეთა ეროვნულმა ნაკრებმა 2015 წლის მსოფლიოს თასზე ირველი გამარჯვება მოიპოვა. „ბორჯღალოსნებმა“ უმძიმეს ბრძოლაში მოახერხეს ტონგის ნაკრების დამარცხება.
შესაძლოა, ეს სპეციალისტებისთვის სენსაციურად შედეგად ჩაითვალოს, მაგრამ ჩვენი ნაკრები ამ გამარჯვებისკენ ნაბიჯ–ნაბიჯ მიდიოდა. ეს არის მართლაც უმნიშვნელოვანესი გამარჯვება. ამით დავანახეთ მსოფლიოს რომ არც ისე ჯაბანნი ვართ, როგორც გვიყურებენ. ჩვენმა ნაკრებმა ფაქტიურად გაუნაღდა შემდეგ მსოფლიოს თასზე თამაში. ამისთვის ნამიბიელთა დამარცხებაც საკმარისია. არის შანსი, საერთოდ ჯგუფიდან გავიდეთ. საამისოდ, უკვე არგენტინელთა დამარცხება გვესაჭიროება, თუმცა ამდენსაც ნუ მოვრთხოვთ ჩვენს გმირებს.
თავიდან არეულად დავიწყეთ. თუ კუნძულელებს მათ დერეფანში ვჯობდით, ჩვენს კოზირში, შეკრინებაში დავჯარიმდით და მე-10 წუთზე კურტ მორატმა ანგარიში გახსნა.
„ბორჯღალოსნებს” გათანაბრების საშუალება აქედან სამ წუთში მიეცათ, თუმცა მერაბ კვირიკაშვილმა ხელსაყრელი პოზიციიდან საჯარიმო ვერ გაიტანა.
სამაგიეროდ, „მეკო“ მეორე მცდელობისას აღმოჩნდა ზუსტი – 3:3.
28-ე წუთზე „ბორჯღალოსნების” მორიგი შეტევისას რამდენიმე ფაზა ვერ გამოვიყენეთ, მაგრამ ნაკრების კაპიტანმა მამუკა გორგოძემ მაინც მოახერხა ბურთი ატაცება და ძელებს შორის დამიწება. კვირიკაშვილმა გარდასახა ზუსტად დაარტყა – 10:3.
ლელოს შემდეგ ცოტა მოვეშვით და მეტოქეს შეტევეის საშუალება მივეცით. ერთი ასეთი მცდელობა ლელოთიც დასრულდა, მაგრამ ჩვენდა საბედნიეროდ, კუნძულელებმა მანამდე პასის დროს შეცდომა დაუშვეს და მსაჯმა კარგად დაინახა ეს ყველაფერი.
მეორე ტაიმი ჩვებემა კარგად დაიწყეს და ტონგელები საკუთარ ნახევარზე გამოკეტეს. ამ უპირატესობამ სახეირო ის მოგვცა, რომ ხელსაყრელ სიტუაციაში ჯარიმის დარტმის უფლება მივიღეთ, მაგრამ მეკოს ისეც გაუცუდდა.
და მაინც, საქართველოს ნაკრებმა ლელოს დადება მოახერხა. მერაბ კვირიკაშვილმა მარჯვენა ფლანგზე კარგად ჩაირბინა, მერე თითქოს შეტევა შეჩერდა, მაგრამ ვასილ ლობჟანიძემ კარგი გაგრძელება უკვე მარცხენა ფლანგზე მოძებნა, სადაც შესანიშნავად გაისარჯა გიორგი თხილაიშვილი და მეტოქის ჩათვის მოედანში იოლად შეაღწია. მეკოს გარდასახვლა ამჯერად ზუსტი იყო – 17:3.
და დაიწყო ჩვენი ნერვიულობაც. ტონგელებმა იგვრძვნეს, რომ არასასურველი მარცხის წინაშე დადგნენ და მძლავრად შემოგვიტიეს. ჩვენები თავგარწირვით იცავდნენ თავს, მაგრამ 72-ე წუთზე ტონგამ მაინც შეძლო ერთი ლელოს გაქვითა და რთული პოზიციიდან გარდასახვაც ზუსტი იყო. ამას ისიც დაემატა, რომ რეფერიმ დამახსოვრებული ჯარიმა არ გვაპატია და კვირიკაშვილი 10 წუთით გაასინბინა.
კაცნაკლულმა ქართველებმა ჯარიმის შესრულების უფლება მოიპოვეს, გატანის შემთხვევაში მატჩი უკვე მოგებული იქნებოდა, მაგრამ ამჯერად ლაშა მალაღურაძეს გაუცუდდა დარტყმა,.
დარჩენილ დროში „ბორჯღალოსნებმა” მაინც მოახერხს შეინახათ საკუთარი ჩათვლის მოედანი და ისტორიული გამარჯვება მოიპოვეს.
მომდევნო მატჩს საქართველოს მორაგბეთა ნაკრები 25 სექტემბერს, არგენტინის ნაკრების წინააღმდეგ გამართავს.
