ბრავო: “დაკარგული ორი ქულით უკმაყოფილონი ვართ”

ჩილელი გოლკიპერი კატალონიური დერბის შემდეგ კომენტარს აკეთებს.

მოგეხსენებათ, ესპანეთის ჩემპიონატის მე-18 ტურის ერთ-ერთ შეხვედრაში, “ესპანიოლმა” საკუთარ მოედანზე “ბარსელონას” უმასპინძლა და მატჩი ფრედ, 0-0 დასრულდა.

“მთელი თამაშის განმავლობაში მეტოქის ზეწოლის ქვეშ ვიყავით. ვიბრძოდით, თუმცა ისინი ჩვენსავე ნახევარზე ბრწყინვალე პრესინგს მიმართავდნენ”, – აცხადებს კლაუდიო ბრავო.

“უგოლო ფრე – ეს ის არაა, რასაც ჩვენ მოველოდით. ამჟამად ვისვენებთ და მომდევნო მატჩზე ვფიქრობთ”.

“ვცდილობდით, ჩვენი საუკეთესო გამოგვევლინა, მაგრამ დაკარგული ორი ქულით ძალიან უკმაყოფილონი ვართ. ამიტომაც, მუშაობას კიდევ უფრო ძლიერად გავაგრძელებთ”, – დაასრულა “ბარსელონას” მეკარემ.