ბრაზილიის ნაკრების შტაბი “ჩელსის” ბაზას ეწვია

ბრაზილიის ნაკრების მთავარი მწვრთნელი კარლოს დუნგა, მისი თანაშემწე ანდრეი ლოპესი და ბრაზილიის ფეხბურთის კონფედერაციის ტექნიკური დირექტორი ჟილმარ რინალდი ლონდონში “ჩელსის” ბაზას ესტუმრნენ. ბრაზილიელმა სტუმრებმა კლუბის ინფრასტრუქტურა დაათვალიერეს და ჟოზე მოურინიოსთან ერთად ისადილეს. მწვრთნელებმა “ჩელსიში” მოთამაშე ბრაზილიელი ფეხბურთელების საკითხი განიხილეს.

დღეს დუნგა და რინალდი ინგლისის პრემიერლიგის ეგიდით “ჩელსისა” და “ვესტ ბრომვიჩს” შორის გასამართ მატჩს დაესწრებიან, შემდეგ კი “არსენალსა” და “მანჩესტერ იუნაიტედს” შორის გასამართ შეხვედრასაც მიადევნებენ თვალყურს. კვირას ბრაზილიელთა დელეგაცია “კრისტალ პალასსა” და “ლივერპულს” შორის გასამართ მატჩსაც დაესწრება.