ბრძოლა ოთხეულისთვის: “მანჩესტერ იუნაიტედი” შინ “ჩელსის” დაუზავდა (ვიდეო)

პრემიერ ლიგის 36-ე ტური ცენტრალურმა დაპირისპირებამ დახურა. “მანჩესტერ იუნაიტედმა” საკუთარ კედლებში ოთხეულისთვის ბრძოლაში თავისი უშუალო კონკურენტი, ლონდონის “ჩელსი”, მიიღო.

შეხვედრის პირველი ნახევარი შედარებით უფრო სანახაობრივი გამოდგა. ანგარიში მეთერთმეტე წუთზე ხუან მატამ გახსნა, რასაც ტაიმის მიწურულს მარკუს ალონსოს გამათანაბრებელი გოლი მოყვა, რომელშიც დიდი წვლილი დავიდ დე ხეას მიუძღვოდა.

მეორე ტაიმში “მანჩესტერ იუნაიტედი” დომინირებდა, თუმცა ბოლო წუთებამდე ყოყმანობდა შტურმის მოწყობამდე.დამატებული 7 წუთის მიმდინარეობისას მასპინძლებმა სახიფათო მომენტი შექმნეს, თუმცა პედრომ კარის ხაზიდან გამოიტანა ბურთი. შეხვედრა ფრედ, 1-1, დასრულდა.

ასე რომ, ოთხეულისთვის ბრძოლა კვლავ გრძელდება, თუმცა ბრძოლაში “წითელმა ეშმაკუნებმა” აუტსაიდერის პოზიციაზე გადაინაცვლეს – მათ ანგარიშზე 36 მატჩში დაგროვებული 65 ქულა გახლავთ, მეოთხე ადგილზე მყოფი “ჩელსი” კი სამი ქულით უსწრებს მათ.