Breaking: ბორდალასმა საბოლოოდ გადაწყვიტა, ვინ ითამაშებს ფინალში!
მთავარი ვალენსიური გამოცემა Plazadeportivo თავის წყაროზე დაყრდნობით წერს, რომ ხოსე ბორდალასს ფინალის წინ საბოლოო გადაწყვეტილება მიღებული აქვს და ძირითად შემადგენლობაში გიორგი მამარდაშვილი იქნება.
“მეკარე, რომელიც მე-2 გუნდის წევრად მოვიდა, ტრანსფერიდან რამდენიმე თვეში კლუბისთვის ერთ-ერთ უმნიშვნელოვანეს მატჩში “ვალენსიას” კარს დაიცავს.
ყველაფერი სილესენისა და დომენეკის ტრავმებით დაიწყო, შემდეგ მამარდაშვილმა ლა ლიგაში პირველი წუთები მიიღო და “ხეტაფესთან” გოლი არ გაუშვა. 6 მატჩი ჩაატარა და შეცდომების გამო ბორდალასმა სილესენი დააბრუნა, თასი კი დომენეკს დაუთმო.
ქართველი არ დანებდა, 4 თვის განმავლობაში გულმოდგინედ ვარჯიშობდა და დღეს ეს შრომა სეზონის მთავარ შეხვედრაში შანსის მიცემით დაუფასდება. იმ ფონზე, რომ “ვალენსიას” თავდასხმა საერთოდ არ ბრწყინავს, მეკარეს შეეძლება წარმატებაში გადამწყვეტი როლი ითამაშოს” – წერს Plaza.
“ბეტისთან” დაპირისპირება დღეს, 23:59 წუთზე დაიწყება.
