ბრეითუეიტი მესისთან ჩახუტებაზე: “ტანსაცმელს არ გავრეცხავ!”

კატალონიის “ბარსელონას” ახალწვეულმა მარტინ ბრეითუეიტმა “ეიბართან” შემდგარი დებიუტის შემდეგ იხუმრა, რომ მესისთან ჩახუტების შემდეგ ტანსაცმლის გარეცხვას არ აპირებს.

“მესისთან ჩახუტების შემდეგ ტანსაცმელს არ გავრეცხავ! აქამდეც მითქვამს, რომ რამდენიმე დღის წინ ვერც კი ვიოცნებებდი, რომ “ბარსელონაში” ვითამაშებდი.

მატჩის შემდეგ მესი ჩემთან მოვიდა და მომილოცა. ის დიდებული ადამიანია, უნდოდა რომ თავი უკეთ მეგრძო. ყოველთვის მეძებდა მოედანზე გამოსვლის შემდეგ.

ბავშვობაში ტელევიზორიდან ვუყურებდი, თუ როგორი იყო ფეხბურთელების დებიუტი თვიანთ კლუბებში და ვოცნებობდი. დღეს კი ეს თავად გამოვცადე, ნამდვილად განსაკუთრებული გრძნობა იყო,” – აცხადებს მარტინი.