ბრენდან როჯერსი: „ვეცდებით, უმაღლესი დონის მოთამაშე ვიყიდოთ“
თარიღი: მარტი 19, 2014
„ლივერპულის“ მთავარმა მწვრთნელმა ბრენდან როჯერსმა განაცხადა, რომ ზაფხულში მისი კლუბი ძლიერი ფეხბურთელის შეძენას შეეცდება. ამის მიუხედავად, ჩრდილოირლანდიელმა სპეციალისტმა ისიც თქვა, რომ ფულის ერთი გასროლით წარმატება არ მოდის.
„წარმატების მისაღწევად გარკვეული გეგმის არსებობაა საჭირო, რომელსაც ფეხბურთელები შეასრულებენ. ფულით წარმატებას ვერ იყიდი. ყოველწლიურად ინგლისური კლუბები მილიარდ ევროს ხარჯავენ, თუმცა ეს არაფრის გარანტიას არ იძლევა.
ზაფხულის სატრანსფერო პერიოდში უმაღლესი დონის მოთამაშის შეძენას შევეცდებით. ფული მნიშვნელოვანია, მაგრამ განვითარებისთვის სხვა ფაქტორებიც საჭიროა. საუბარი მაქვს ვარჯიშებზე, მენეჯმენტზე, კარგ პერსონალსა და მოტივაციაზე“, – როჯერსის სიტყვები „სქაი სპოტსმა“ გამოაქვეყნა.
ბექა დოგრაშვილი
მსგავსი სიახლეები