ბუდუმ წასვლის გადაწყვეტილება მიიღო – უნგრეთში ქართული შემტევი დუეტი იქმნება

უნგრული პრესის ინფორმაციით, ბუდუ ზივზივაძე გუნდს იცვლის და კარიერას “უიპეშტიში” გააგრძელებს.

1 თვის წინ ბუდუს იჯარით დამატებით “ზალაეგერშეგი” იყო დაინტერესებული, თუმცა ფეხბურთელმა მაშინ “ფეჰერვარში” დარჩენა ამჯობინა. ჩვენებურს მწვრთნელმა შანსი კვლავ არ მისცა, მაგალითად, ბოლო მატჩში განაცხადშიც არ იყო და ზივზივაძემაც წასვლის გადაწყვეტილება მიიღო.

“უიპეშტი” მის გამოსყიდვას აპირებს და “ფეჰერვარიც” გარკვეულ თანხას მიიღებს. მოქმედი კონტრაქტი მიმდინარე წლის ზაფხულში მთავრდება.

“უიპეშტში” ქართველი თავდამსხმელი გიორგი ბერიძე გამოდის და გუნდს ქართული შემტევი დუეტი ეყოლება და იმედი, რომ ბოლოსწინა ადგილიდან თავს დააღწევენ.