ბუნდესლიგა: მე-17 ტურის მიმოხილვა
Fanebi.com წარმოგიდგენთ გერმანული ბუნდესლიგის მე-17 ტურის მიმოხილვას.
მაინცი – ბაიერნი
,ბუნდესლიგის” მე-17 ტურის პირველ შეხვედრაში ,,მაინცმა” საკუთარ კედლებში მიუნხენის ,,ბაიერნი” მიიღო. მასპინძლებმა მიუნხენელებს ღირსეული წინააღმდეგობა გაუწიეს. მატჩში ანგარიში სწორედ მასპინძლებმა გახსნეს. თუმცა, სტუმრებმა პირველივე ნახევარში ბასტიან შვაინშტაიგერის გოლის წყალობით წონასწორობის აღდგენა მოახერხეს.
მეორე ტაიმში კი ორივე გუნდმა უშეღავათო ბრძოლა შესთავაზა გულშემატკივრებს. გადამწყვეტი მატჩის 90-ე წუთი აღმოჩნდა. “ბაიერნის” მხრიდან თავი არიენ რობენმა გამოიჩინა და თამაში საბოლოო ანგარიში. 1:2 დააფიქსირა.
“ბაიერნი” 18-დღიან საშობაო არდადეგებზე დაუმარცხებელი გავიდა.
აუგსბურგი – გლადბახი
ტურის ერთ-ერთი გამრჩეული შეხვედრა მასპინძელთა გამარჯვებით დასრულდა. “აუგსბურგმა” კლუბის არსებობის ისტორიაში, ბუნდესლიგის პირველ წრეში ქულათა რეკორდული რაოდენობა დააგროვა და ახალ წელს მე-6 ადგილზე შეხვდება. თუმცა, ჩემპიონთა ლიგის ზონაში აუგსბურგელები მხოლოდ ბურთების სხვაობის გამო ვერ მოხვდნენ.
გასული ტურის შეხვედრა “გლადბახისთვის” საკმაოდ კარგად დაიწყო. სტუმრები მე-3 წუთზე კრუზეს გოლით დაწინაურდნენ, თუმცა მასპინძლებმა მე-20 წუთზე წონასწორობა აღადგინეს და ტაიმიც ფრედ დასრულდა. “აუგსბურგი” მირწეულით არ დაკმაყოფილდა და შეხვედრის განახლებიდან 6 წუთში მეორეც გაიტანა. 51-ე წუთზე საბოლოო ანგარიში ბობადილიამ დააფიქსირა – 2:1.
ვერდერი – დორტმუნდი
“დორტმუნდმა” ჩაგდებული პირველი წრე უშუალო კონკურენტთან მარცხით დაასრულა. არც თუ ისე შორეულ წარსულში მოწინავე პოზიციებისთვის მებრძოლი კლუბების დაპირისპირება მასპინძლებმა მინიმალური სხვაობით მოიგეს.
“ვერდერმა” დაწინაურება მე-3 წუთზე სელკეს გოლით მოახერხა. უპირატესობის გაზრდა კი ბრემენელებმა 62-ე წუთზე, ბარტელსის ძალისხმევით შეძლეს. “დორტმუნდმა” მეტოქეს 7 წუთში, ჰუმელსის გოლით უპასუხა, თუმცა მეტის გაკეთება კლოპის შეგირდებმა ვეღარ მოახერხეს.
“დორტმუნდმა” პირველი წრე ბოლოს წინა, მე-17 პოზიციაზე 15 ქულით დაასრულა. “ვერდერმა” კი დორტმუნდელებს მხოლოდ 2 ქულითა და ერთი პოზიციით აჯობა.
ტურის ყველა მატჩი
| 19.12 | 23:30 | მაინცი |  |
1:2 |  |
მიუნხენის ბაიერნი | დაწვრილებით | |
| 20.12 | 18:30 | შალკე 04 |  |
0:0 |  |
ჰამბურგი | დაწვრილებით | |
| 20.12 | 18:30 | აუგსბურგი |  |
2:1 |  |
გლადბახი | დაწვრილებით | |
| 20.12 | 18:30 | შტუტგარტი |  |
0:0 |  |
პადერბორნი | დაწვრილებით | |
| 20.12 | 18:30 | ლევერკუზენი |  |
1:1 |  |
აინტრახტი | დაწვრილებით | |
| 20.12 | 18:30 | ბრემენის ვერდერი |  |
2:1 |  |
დორტმუნდი | დაწვრილებით | |
| 20.12 | 21:30 | ვოლფსბურგი |  |
2:1 |  |
კიოლნი | დაწვრილებით | |
| 21.12 | 18:30 | ჰერტა |  |
0:5 |  |
ჰოფენჰაიმი | დაწვრილებით | |
| 21.12 | 20:30 | ფრაიბურგი |  |
2:2 |  |
ჰანოვერ 96 | დაწვრილებით |
