ბუნდესლიგა: მეოთხე ტურის მიმოხილვა

უხვგოლიანი და სანახაობრივი გამოდგა ბუნდესლიგის მეოთხე ტური, რომელსაც არც მოულოდნელი შედეგების გარეშე ჩაუვლია. საინტერესოა, რომ სათამაშო დღის 9 შეხვედრაში მსაჯებმა წითელი ბარათი 5-ჯერ გამოიყენეს. აღსანიშნავია ისიც, რომ გასული ტური ისტორიაშიც შევიდა. ბუნდესლიგაში შორიდან გატანილი გოლის ახალი რეკორდი დამყარდა. “პადერბორნის” ფეხბურთელმა მორიც შტოპელკამპმა გოლი 83 მეტრიდან გაიტანა.

ჰამბურგი – ბაიერნი

ახალი მთავარი მწვრთნელის მიერ დამოძღვრილმა “ჰამბურგმა” პირველი შეხვედრა მიუნხენის “ბაიერნთან” ჩაატარა. წარუმატებელის სტარტის შემდეგ ჰამბურგელთა აქტივში მხოლოდ ერთი ქულა იყო და მეოთხე ტურის შეხვედრაშიც უპირობო ფავორიტად მიუნხენელები მიიჩნეოდნენ.

თუმცა, ფეხბურთში ყველაფერი პროგნოზებს არ ემთხვევა და ეს აღნიშნულმა შეხვედრამაც დაამტკიცა, რომელიც ფრედ, გატანილი გოლების გარეშე დასრულდა.

“ჰამბურგმა” მეორე ქულის მოპოვება მოახერხა, ხოლო “ბაიერნმა” ლიდერობა ბუნდესლიგის დებიუტანტ “პადერბორნს” დაუთმო.

მაინცი – დორტმუნდი

მარცხი გათამაშების კიდევ ერთმა ფავორიტმა, დორტმუნდის “ბორუსიამაც” იწვნია. ჩემპიონთა ლიგაში ჩატარებული შესანიშნავი მატჩის შემდეგ კლოპის შეგირდები მაინცს ესტუმრნენ და ორბურთიანი სხვაობით დამარცხდნენ.

უგოლო პირველი ნახევრის შემდეგ მასპინძლებმა ანგარიში მეორე ტაიმში, 66-ე წუთზე ოკაზაკის ძალისხმევით გახსნეს. მალევე გინტერმა ბურთი საკუთარ კარში ჩაჭრა და საბოლოო ანგარიშიც დააფიქსირა.

ვოლფსბურგი – ლევერკუზენი

ტურის ერთ-ერთი მთავარი მატჩი მასპინძელთა დამაჯერებელი უპირატესობით წარიმართა და მათივე გამარჯვებით დასრულდა.

“ლევერკუზენი” მატჩის დებიუტში უმცირესობაში აღმოცნდა და “ვოლფსბურგმა” ანგარიში მალევე, მე-8 წუთზე როდრიგესის გოლით გახსნა. 29-ზე დრმიჩმა კი გაათანაბრა, მაგრამ შესვენებაზე ლიდერის სტატუსში მაინც მასპინძლები გავიდნენ. ტაიმის ბოლოს გოლი ვიეირინიამ გაიტანა.

მეორე ნახევარში როდრიგესმა დუბლი გაიტანა, ხოლო საბოლოო ანგარიში ჰუნტმა 81-ე წუთზე დააფიქსირა.

ტურის ყველა მატჩი და ევროპაბეთის კოეფიციენტები:

19/09/14

ფრაიბურგი 2-2 ჰერტა
გოლები: კემპფი 30′ (1:0); რონი 36′ (1:1); კლაუსი 79′ (2:1); რონი 90′ (2:2)
1           X           2
2.60     3.25      2.75

20/09/14

შალკე 2-2 აინრახტი
გოლები: მეიერი 15′ (0:1); რუსი 24′ (0:2): ჩუპო-მოტინგი 40′ (1:2); დრაქსლერი 50′ (2:2)
1           X           2
1.80    3.75      4.20

აუგსბურგი 4-2 ვერდერი
გოლები: სელკე 3′ (0:1); ბაიერი 14′ (1:1); ვერჰაეგი 45′ (2:1); დი სანტო 56′ (2:2); ვერნერი 77′ (3:2); მატავჟი 90′ (4:2)
1           X           2
1.95    3.50      3.80

შტუტგარტი 0-2 ჰოფენჰაიმი
გოლები: მოდესტე 15′ ; ელიონოუსი 90′
1               X             2
2.60         3.40        2.70

ჰამბურგი 0-0 ბაიერნი
1           X           2
10.00    5.50     1.31

პადერბორნი 2-0 ჰანოვერი
გოლები: კაჩუნგა 71′ ; სტოპელკამპი 90′
1           X           2
2.80    3.25       2.55

მაინცი 2-0 დორტმუნდი
გოლები: ოკაზაკი 66′ ; გინტერი 74′ (ს.კ)
1           X           2
5.50    4.00      1.65

21/09/14

ვოლფსბურგი 4-1 ბაიერი
გოლები: როდრიგესი 8′ (1:0); დრმიჩი 29′ (1:1); ვიეირინია 45′ (2:1); როდრიგესი 63′ (3:1); ჰუნტი 81′ (4:1)
1           X           2
2.75    3.40     2.50

კიოლნი 0-0 გლადბახი
1           X           2
2.70     3.25     2.60