ბუნდესლიგის აკრძალვები: ლიფტის ღილაკები, დისტანცია და უარი სექსზე

გერმანიის ფეხბურთის ფედერაცია სეზონის განახლებისთვის სერიოზულად ემზადება. ბუნდესლიგის გაგრძელების სავარაუდო თარიღად 9 მაისია დასახელებული, თუმცა ხელისუფლების წარმომადგენლებს საბოლოო სიტყვა ჯერ არ უთქვამთ.

იმისათვის, რომ სეზონის განახლების პროცესი მაქსიმალურად უსაფრთხო გაეხადათ, ბუნდესლიგის მეთაურებმა საკმაოდ მკაცრი და კონკრეტული პროტოკოლი შეიმუშავეს. გთავაზობთ რამდენიმე აკრძალვასა და რეკომენდაციას აღნიშნული პროტოკოლიდან.

სახლში 

• მაქსიმალურად შეიკავეთ თავი სახლიდან გასვლისგან.
• მაქსიმალურად შეიკავეთ თავი სახლში სტუმრების მიღებისგან.
• თავი შეიკავეთ საზოგადოებრივი ტრანსპორტის გამოყენებისგან და ხალხმრავალ ადგილებში ყოფნისგან.
• თუ პარტნიორს სიმპტომები აღენიშნება  – თავი შეიკავეთ კოცნისგან და უარი თქვით სექსზე. გამოიყენეთ ჰიგიენის დაცვისა და თავის მოვლის სხვადასხვა ნივთები.
  

  ---

  ბაზაზე 

  ---

• მაქსიმალურად აარიდეთ თავი დახურულ სივრცეში თავშეყრას.
• დაიცავით ორმეტრიანი დისტანცია შეკრებისას.
• საკვები სახლიდან მოიტანეთ.
• ფეხბურთელებმა თავად უნდა დაამუშავონ ფორმები და ბუცები სპეციალური ხსნარით.
• შხაპი მიიღეთ საკუთარ სახლებში.
  

  ---

  სასტუმროში

  ---

• ყველა ფეხბურთელი დაიკავებს ერთ სართულს საერთო ლიფტით.
• ლიფტის ღილაკებს ხელი დააჭირეთ მხოლოდ ხელთათმანებისა და სადეზინფექციო საშუალებების გამოყენებით.
• არანაირი მომსახურეობა ნომერში.
• ნომრებში მომარაგებული უნდა იყოს ნიღბები და ხელთათმანები.
  

  ---

  მატჩამდე 

  ---

• მატჩის დღეს სტადიონზე მაქსიმუმ 322 ადამიანი უნდა იმყოფებოდეს.
• მაქსიმუმ 100 ადამიანი თითო ზონაში (იგულისხმება ტრიბუნები).
• ფეხბურთელები სტადიონზე განსხვავებულ დროს, განსხვავებული ტრანსპორტით მივლენ.
• ავტობუსში გუნდის ყველა წევრს უნდა ეკეთოს ნიღაბი.
• მასპინძლები სტადიონზე თავიანთი მანქანებით უნდა მივიდნენ.
• სტადიონზე მყოფ ყველა ადამაიანს გაუზომავენ ტემპერატურას.
  

  ---

  გასახდელში და მოედანზე გასვლისას

  ---

• გასახდელში კარი ყოველთვის ღია უნდა იყოს, დისტანცია – დაცული.
• ძირითადის და სათადარიგოს ფეხბურთელები ცალკე გამოიცვლიან.
• გუნდები გვირაბში ერთდროულად არ გაივლიან.
• ფეხბურთელები მოედანზე ბავშვების გარეშე გავლენ.
• სამედიცინო პერსონალი ნიღბებით იმუშავებს.
  

  ---

  მოედანზე

  ---

• ფეხბურთელები ერთმანეთს ხელის ჩამორთმევით არ მიესალმებიან.
• გუნდები საერთო ფოტოს არ გადაიღებენ.
• სათადარიგოთა სკამზე მსხდომნი 2-მეტრიან დისტანციას დაიცავენ.
  

  ---

  მატჩის შემდეგ

  ---

• მიქს-ზონაში კომენტარების გაკეთება არ მოხდება.
• პრესკონფერენციები ჩატარდება ვირტუალურად.
• ტელევიზიის წარმომადგენლები ნიღბებით იმუშავებენ.
  

  ---

  ტესტები

  ---

• ფეხბურთელებს მინიმუმ ერთი ტესტი ჩაუტარდებათ კვირაში – მატჩის დღესთან რაც შეიძლება ახლოს.
• ტესტის შედეგი მატჩამდე უნდა იყოს ცნობილი.
• სიმპტომის გამოვლინების შემთხვევაში ფეხბურთელი მკარცრ თვითიზოლაციაში უნდა იყოს 2 კვირის მანძილზე.