ბუნდესლიგის მიმოხილვა

ბაიერნის ჩემპიონობა, რურის მშრალი დერბი და 5 ფაქტი ბუნდესლიგის 27-ე ტურის შესახებ. 

რეკორდმაისტერის რეკორდული ჩემპიონობა

5 მარტს ბერლინის “ჰერტას” დამარცხებით “ბაიერნმა” ნაადრევად გაიფორმა მიმდინარე სეზონში ჩემპიონობა, რაც სარეკორდო მაჩვენებელია.

მიუნხენელებმა მთელი შეხვედრა დამაჯერებლად ჩაატარეს და სავსებით ლოგიკური გამარჯვებაც მოიპოვეს. მატჩის დებიუტში, მე-6 და მე-14 წუთებზე ჯერ კროოსმა შემდეგ კი მარიო გიოტცემ ორი გოლი გაუტანეს ბერლინელებს.

მეორე ნახევარში რამოსმა 11-მეტრიანი დარტყმით სხვაობის შემცირება შესძლო, თუმცა 79-ე წუთზე რიბერიმ გიოტცეს გადაცემით ორბურთიანი სტატუს ქვო აღადგინა და საბოლოო ანგარიშიც დააფიქსირა – 1:3

აქვე იმასაც გეტყვით, რომ ლევან კობიაშვილმა მატჩი სასტარტო შემადგენლობაში დაიწყო. ქართველი 64-ე წუთზე ნეიმაიერმა შეცვალა.

0:0 ფერმანის სასარგებლოდ

“ბორუსიამ” “შალკესთან” ერთქულიანი სხვაობა შეინარჩუნა. კლოპის შეგირდებმა მრავალი მცდელობის მიუხედავად, კელერის გუნდს ვერ აჯობეს. “შალკემ” მკაცრი, დაცვითი ფეხბურთი ითამაშა. შესაძლოა, სწორედ “ბორუსიას” აგრესიულმა თამაშმა აიძულა გელზენკირხენელები ასე ეთამაშათ, მაგრამ რეზულტატს ეს არ ცვლის. დაცვის კარგად თამაშთან ერთად აღსანიშნავია რალფ ფერმანის შესანიშნავი თამაში, რომელმაც რამდენიმე დასამახსოვრებელი სეივი გააკეთა.

მეორე ტაიმიში მესამოცე წუთიდან “ბორუსიამ” შესანიშნავი 10-წუთიანი მონაკვეთი ჩაატარა. თუმცა, ლევანდოვსკიმ და მხიტარიანმა ჩინებული მომენტები გაუშვეს ხელიდან. მატჩის ბოლოს კი დორტმუნდელებმა საკუთარ ტემპს ვეღარ გაუძლებს და უკანასკნელი შტურმისთვის ძალა ვერ მოკრიბეს. საქმეს ვერც კლოპის ცვლილებებმა უშველა.

5 ფაქტი 27-ე ტურის შესახებ

ფრანკფურტის “აინტრახტმა”  2014 წელს, პირველ წრეში აღებულ ქულებზე მეტი მოაგროვა.

ლევერკუზენის “ბაიერმა” ბუნდესლიგაში მე-500 გამარჯვება მოიპოვა და აღნიშნულ ზღვარს გადაცილებული მე-11 გუნდი გახდა.

იოსიპ დრმიჩი 2014 წელს ბუნდესლიგის საუკეთესო ბომბარდირია. შვეიცარელმა 9 გოლი გაიტანა.

ტობიას ვერნერი “აუგსბურგის” ისტორიაში პირველი მოთამაშეა, რომელმაც ზედიზედ მეოთხე მატჩში მოახერხა გოლის გატანა.

ფილიპ ლამმა “ჰერტასთან” საჩემპიონო მატჩში უშეცდომო იყო და 133 ზუსტი გადაცემა შეასრულა, რაც ბუნდესლიგი ახალი რეკორდია, ისვერე როგორც “ბაიერნის” რეკორდულად მოკლდე დროში მოპოვებული ჩემპიონობა.

25/03/14

ბორუსია დ 0-0 შალკე

ვერდერი 1-3 ვოლფსბურგი

გოლები: მალლანდა აჯე 2′ (0:2); პერიშიჩი 10′ (0:2)’ პრიოდლი 16′ (1:2); არნოლდი 80′ (1:3)

ბრაუნშვაიგი 3-1 მაინცი

გოლები: კუმბელა 18′ (1:0); მიულერი 20′ (1:1); ნიელსენი 45′ (2:1); კუმბელა 77′ (3:1)

ჰერტა 1-3 ბაიერნი

გოლები: კროოსი 6′ (0:1); გიოტცე 14′ (0:2): რამოსი 66′ (1:2); რიბერი 79′ (1:3)

26/03/14

ნიურნბერგი 2-0 შტუტგარტი

გოლები: დრმიჩი 43′ ; 54′ 

ჰოფენჰაიმი 3-1 ჰანოვერი

გოლები: ანდრეასენი 10′ (0:1); პოლანსკი 13′ (1:1); მოდესტე 51′ (2:1); რუდი 90′ (3:1)

აუგსბურგი 1-3 ლევერკუზენი

გოლები: კისლინგი 11′ (0:1); ვერნერი 59′ (1:1); სონი 80′ (1:2); ემრე ჩანი 83′ (1:3)

ჰამბურგი 1-1 ფრაიბურგი

გოლები: დარიდა 50′ (0:1); ლასოგა 55′ (1:1)

აინტრახტი 1-0 ბორუსია მ

გოლი: ჟოსელუ 16′