ბუნდესლიგის პრევიუ
“ბაიერნი” ბრემენელ მუსიკოსებს დაუპირისპირდება, ტურის ეპიცენტრი კი “სიგნალ იდუნა პარკზეა”
დღეს ბუნდესლიგის მეთხუთმეტე ტური აიღებს სტარს. თუმცა სათამაშო დღის ყველაზე გამორჩეული შეხვედრები ხვალ გაიმართება.
ბრძოლა ჩემპიონთა ლიგისთვის
“ბორუსია პარკზე” მიუნხენგლადხაბის “ბორუსია” “შალკეს” მიიღებს. გუნდები მეოთხე-მეხუთე ადგილებზე იმყოფებიან და მათ შორის სხვაობა მხოლოდ ოთხი ქულაა. ანუ, “შალკეს” ქულათა სხვაობის მინიმუმამდე შემცირების შანსი ეძლევა. მაგრამ, ეს არც თუ ისე იოლი საქმეა. “ბორუსია” შესანიშნავ ფორმაში იმყოფება. გუნდს მოგებების ხუთმატჩიანი სერია აქვს. “შალკე” კი, ჩვეული არასტაბილურობით გამოირჩევა. გარკვეულწილად ეს იმით არის განპირობებული, რომ გელზენკირხენელებს სამ ფრონტზე უწევდათ ასპარეზობა. თუმცა, 3 დეკემბერს, “ჰოფენჰაიმთან” განცდილი მარცხის შემდეგ, “შალკე” თასის გათამაშებას გამოეთიშა.
ეს საკმაოდ საინტერესო შეხვედრა 7 დეკემბერს გაიმართება და თბილისის დროით 18:30-ზე დაიწყება. მატჩის მთავარი არბიტრი, ფელიქს ზვაიერი იქნება
ლიდერი ბრემენს ეწვევა
“ვეზერშტადიონზე” ბრემენის “ვერდერი” მიუნჰენის “ბაიერნს” მიიღებს. პეპ გუარდიოლას შეგირდები ერპიროვნულად ლიდერობენ ბუნდესლიგის ცხრილს. მასპინძები კი, მეცამეტე ადგილზე არიან. თუმცა, მიუხედავად იმისა, თუ რომელ პოზიციას იკავებენ ეს გუნდები სატურნირო ცხრილში, დაპირისპირება ყოველთვის საინტერესო და უკომპრომისო ბრძოლაში მიმდინარეობს.
“ბაიერნსა” და “ვერდერს” ერთმანეთის წინააღმდეგ 98 მატჩი აქვთ ჩატარებული. აქედან 47 მიუნჰენელებმა მოიგეს, 27 ბრემენელებმა. 24 შეხვედრა ფრედ დასრულდა.
შეხვედრა, რომელსაც მარკო ფრიტცი განსჯის, 7 დეკემბერს 18:30ზე აიღებს სტარტს.
“ბორუსია” – “ლევერკუზენი”
ტურის ყველაზე გამორჩეული და საინტერესო მატჩი დორტმუნდში გაიმართება სადაც ადგილობრივი “ბორუსია” “ლევერკუზენს” უმასპინძლებს. სამეულში მყოფი გუნდების დაპირისპირება 7 დეკემბერს 21:30ზე დაიწყება. ერთმანეთის წინააღმდეგ ჩატარებულ 68 შეხვედრაში, “ბორუსიამ” 25 მოიგო, ხოლო “ლევერკუზენმა” 24. 19 შეხვედრა კი ფრედ დასრულდა. ბურთების შეფარდება 103-101-ზე “ლევერკუზენის” სასარგებლოდ.
06/12/13
ნიურნბერგი – მაინცი
07/12/13
ბორუსია მ. – შალკე
შტუტგარტი – ჰანოვერი
ვერდერი – ბაიერნი
ჰამბურგი – აუგსბურგი
აინტრახტი – ჰოფენჰაიმი
ბორუსია დორტმუნდი – ლევერკუზენი
08/12/13
ფრაიბურგი – ვოლფსბურგი
ბრაუნშვაიგი – ჰერტა
