ბუფონი: “კარგია, რომ დიბალა “ინტერში” არ გადავიდა”
“პარმას” კიპერმა ჯანლუიჯი ბუფონმა პაულო დიბალას ტურინის “იუვენტუსიდან” “რომაში” გადასვლის შესახებ კომენტარი გააკეთა.
“თავისუფალი აგენტის სტატუსის მიღების შემდეგ პაულოს გადაწყვეტილების მიღების სრული უფლება ჰქონდა. რამდენიმე კვირის განმავლობაში მას მილანის “ინტერში”, “რომასა” და “ნაპოლიში” გადასვლის შესაძლებლობა ჰქონდა. იმედი მქონდა, რომ ბოლო ორი კლუბიდან რომელიმეს შეარჩევდა.
პაულოს ემოციური აღმასვლა სჭირდებოდა. დარწმუნებული ვიყავი, რომ ამის მიღწევა მხოლოდ “რომასა” და “ნაპოლიში” იყო შესაძლებელი. მივწერე, რომ “რომაში” მისი გადასვლით გახარებული ვარ. ტაქტიკური თვალსაზრისით ის ანხელ დი მარიასთან ერთად სერია A-ში, ალბათ საუკეთესოა”, – ციტირებს ბუფონისა სიტყვებს “ლა გაძეტა დელო სპორტი”.
შეგახსენებთ, რომ პაულო დიბალა “რომას” თავისუფალი აგენტის სტატუსით შეუერთდა. მხარეებს შორის სამწლიანი შრომითი ხელშეკრულება გაფორმდა. არგენტინელი ფეხბურთელი “მგლების” ღირსებას 21-ნომრიანი ფორმით დაიცავს.
