ბუსკეტსი ჩემპიონთა ლიგის “ასიანთა” კლუბს შეუერთდა
12 დეკემბერს “ბარსელონამ” საკუთარ კედლებში ლონდონის “ტოტენჰემი” მიიღო და ქულებიც გაიყო (1-1). ეს შეხვედრა საიუბილეო აღმოჩნდა სერხიო ბუსკეტსისთვის – ესპანელი ნახევარმცველი ჩემპიონთა ლიგის “ასიანთა” კლუბს შეუერთდა.
სერხიო ბუსკეტსი რიგით 37-ე ფეხბურთელი გახდა, რომელსაც მსოფლიოს ყველაზე პრესტიჟულ საკლუბო ტურნირზე 100 მატჩი აქვს ჩატარებული. აღსანიშნავია, რომ მოქმედ ფეხბურთებს შორის ამ სტატუსს მხოლოდ ათი ატარებს.
გასაკვირი არაა, რომ ბუსკეტსმა ასივე მატჩი “ბარსელონას” მაისურით ჩაატარა და ზემოთ აღნიშნულ კლუბში თავის ყოფილ თანაგუნდელებს ხავი ჰერნანდესს, ანდრეს ინიესტას, ლიონელ მესის, კარლეს პუიოლსა და ვიქტორ ვალდესს შეუერთდა.
გეტყვით იმასაც, რომ ჩემპიონთა ლიგაზე ყველაზე მეტი მატჩი იკერ კასილასს აქვს ჩატარებული (173), რომელსაც კრიშტიანუ რონალდუ (157),ჩავი ჰერნანდესი (151) და რაულ გონსალესი (142) მოსდევენ.
