ჩამოართმევს თუ არა ხელს ნურმაგომედოვი მაკგრეგორს შეხვედრის დასრულების შემდეგ?

4 ოქტომბერს ლას ვეგასში კონორ მაკგრეგორისა და ხაბიბ ნურმაგომედოვის პრესკონფერენცია გაიმართა.

პრესკონფერენცია 15:00 საათზე იყო დაგეგმილი. დარბაზში ნურმაგომედოვი დროულად გამოცხადდა, ხოლო მაკგრეგორი ადგილზე 30 წუთის დაგვიანებით მივიდა. პრესკონფერენცია მაინც 15:00 საათზე დაიწყო, რადგან დაღესტნელმა მებრძოლმა ლოდინი არ მოისურვა და მან ჟურნალისტების შეკითხვებს მარტომ უპასუხა.

ერთ-ერთმა ჟურნალისტმა ნურმაგომედოვს ჰკითხა, ჩამოართმევს თუ არა ის ხელს მაკგრეგორს ბრძოლის დასრულების შემდეგ.

“ხელს ჩამოვართმევ? არა. არცერთ შემთხვევავაში”, – განაცხადა ხაბიბმა.

შეგახსენებთ, რომ მაკგრეგორი-ნურმაგომედოვის დაპირისპირება 6 ოქტომბერს გაიმართება.