ჩავი: “ატლეტიკოს” დრო დადგა”

“ბარსელონას” ყოფილი ნახევარმცველი ჩავი ერნანდესი მიიჩნევს, რომ ჩემპიონთა ლიგის დამდეგ ფინალში გარკვეულ უპირატესობას მადრიდის “რეალი” ფლობს, თუმცა ჩემპიონი “ატლეტიკო” გახდება.

“ვფიქრობ, “ატლეტიკოს” დრო დადგა. ფეხბურთი ყოველთვის გაძლევს მეორე შანსს. სწორედ ეს მომენტი დაუდგათ “ატლეტიკოს” ფეხბურთელებს.

შესაძლოა, “რეალი” გარკვეულ უპირატესობას ფლობს, ვინაიდან “სამეფო კლუბს” ასეთი სერიოზული მატჩების დიდი გამოცდილება აქვთ. ეს აუცილებლად უნდა გავითვალისწინოთ, თუმცა ვთვლი, რომ ამ ჯერზე ტიტულს “ატლეტიკო” მოიგებს”, – ჩავის კომენტარი “ასმა” გამოაქვეყნა.

შეგახსენებთ, რომ ჩემპიონთა ლიგის ფინალური მატჩი 28 მაისს, მილანის “ჯუზეპე მეაცაზე” გაიმართება და თბილისის დროით 22:45 საათზე დაიწყება.