ჩავი: “ინგლისს ევროპის ჩემპიონატის მოგების რეალური შანსი აქვს”
მსოფლიო ჩემპიონმა და ევროპის ჩემპიონატის ორგზის გამარჯვებული, ჩავი თვლის, რომ როი ჰოჯსონის გუნდს ევრო-2016-ის მოგების რეალური შანსი გააჩნია.
“ვფიქრობ, რომ ინგლისს ტურნირის მოგების რეალური შანსი აქვს.
სანამ ჩვენ ჩვენს პირველ ტიტულს მოვიგებდით, ჩვენზე დიდი ზეწოლა იყო, რამეთუ წარსულში მეოთხედფინალური ეტაპიდანაც ვერ ვახერხებდით გასვლას. ჩვენი დონიდან გამომდინარე ზეწოლა ძალიან დიდი იყო, რაც უარყოფითად მოქმედებდა.
მსგავსი პრობლემა იყო ინგლისის შემთხვევაშიც – მათ ოქროს თაობაზე (ლამპარდი, სქოულზი, ბექჰემი, ჯერარდი) ზეწოლა ძალიან დიდი იყო, საიდანაც თავის დაღწევა ძალიან რთულია.
ახლა სხვა დროა, კეინის, სტერლინგის, დელე ალისა და “ლესტერში” მოთამაშე ინგლისელების დრო. მათ უფლება აქვთ გავიდნენ და უბრალოდ ლაღი ფეხბურთი ითამაშონ. თუ უეინ რუნიც დაბრუნდება, მაშინ მათი შანსები ნამდვილად რეალური იქნება.” – განაცხადა ლეგენდარულმა ესპანელმა ფეხბურთელმა.
